Էսքիշեհիր քաղաքի կայքում hայերի և հույների հասցեին խտրական արտահայտություններ են կիրառվել

Հասարակական11:00, 08 Հոկտեմբեր 2013

Էսքիշեհիր քաղաքի կայքում hայերի և հույների հասցեին խտրական արտահայտություններ են կիրառվել

Թուրքիայում նույնիսկ տեղական կառավարման մարմինների ընտրությունների ժամանակ առիթը բաց չի թողնվում ազգային փոքրամասնություններին վիրավորելու համար: Թուրք հոդվածագիրը փորձել է ներկայացնել Էսքիշեհիր քաղաքի ընտրությունները, ինչպես նաև հայերի և հույների առնչությունը քաղաքի պատմությանը:

Թուրքական «Դեմոկրատհաբեր» լրատվական կայքը հրապարակել է սյունակագիր Սերդար Քորուջուի՝ «Էսքիշեհիրի «հղփացած» հայերն ու հույները» վերտառությամբ հոդվածը, որտեղ սյունակագիրը մանրամասներ է հայտնում Էսքիշեհիրի քաղաքապետի ընտրությունների վերաբերյալ: Նշվում է, որ քաղաքապետարանի կայքում ներկայացված է «Ազգային ազատագրական պայքարի տարիները», որտեղ հայերի և հույների հասցեին խտրական արտահայտություններ են կիրառվում:

Նշվում է, որ այս օրերին արագընթաց գնացքի երկաթուղի է կառուցվում, Էսքիշեհիրը հանդիսանալու է այդ տրանսպորտային հանգույցի կենտրոնը: Քուրդ նահանգապետ Ֆաիկ Ալին նշել է, որ այն հարիր չէ Ստամբուլին, ինչ էլ որ չլինի,Դեյր Զորից փրկված կամ էլ Արևմուտքից արտաքսված հայերի համար այն մի խաչմերուկ է հանդիսանալու:

Նույն հոդվածում նշվում է, որ 2013 թվականի Էսքիշեհիրը հռչակվել է թյուրքական աշխարհի մշակութային մայրաքաղաք: Քաղաքի կայքում ներկայացվել է քաղաքի պաշտոնական պատմությունը, որտեղ կրկին հայերը և հույները ներկայացված են որպես «հղփացածներ»: Նշվում է, որ անգլիացիների ներկայության ժամանակ հայերը և հույները սատարել են անգլիացիներին: Նրանք մեծ համայնքներ են ունեցել, որը տարածվել է քաղաքի Փորսուկ չայը կոչվող վայրում: Որպես ապացույց հիշատակվում է տեղի Սուրբ Երրորդություն հայկական եկեղեցին: Քաղաքի ամենահին թաղամասերից մեկը ևս հայկական է եղել և կոչվել է Հոշնութ: Նույն աղբյուրում նշվում է, որ տեղի հայ բնակչությունը 1915 թվականի տեղահանության ժամանակ տարհանվել է, և հիմա հայկական սփյուռքի մի մասն է կազմում: Իսկ հայկական ներկայության մասին որպես վկայություն մնացել են ընդամնեը մի քանի շիրմաքարեր:

Ermenihaber.am