ERMENI HABER AJANSI

«Անեծքը» մեր վրայից հանվե՞ց թե ոչ՝ «Ժողովրդավարացման փաթեթը» նման բնույթի քննարկումների տեղիք տվեց: Լավ, ասենք թե ժամանակին քրդերը, հույները և հայերը, որ իրենց ունեցվածքը նվիրաբերեցին Թուրքիային, այժմ ինչ են զգալու՞: «Ժողովրդավարացման փաթեթ»-ն արդյո՞ք բավարարում է այդ ամենը»: Թուրք լրագրող Քյուբրա Փարն այս հարցերի պատասխանը փորձել է իմանալ հայ հայտնի ուդի վարպետ Երվանդ Բոսթանջըից: Լրագրողի և Երվանդ Բոսթանջըյի միջև տեղի ունեցած հարցազրույցի մանրամանսերի մասին հայտնում է «հաբերթուրք» լրատվական կայքը:

Երվանդ Բոստանջըին հայ-թուրքական հարաբերությունների, Թուրքիայի ներքին կյանքի, քրդական հարցի, հասարակության մեջ տիրող տրամադրությունների վերաբերյալ իր ունեցած կարծիքներով կիսվեց: Ըստ նրա՝ ներկայումս  վիճակը բավականին փոխվել է, հատկապես վերջին տասնամյակում հայ-թուրքական հարաբերությունները այլ հարթակ են տեղափոխվել: Որպես օրինակ նա հիշեցրել է, որ Թուրքիայի ղեկավարությունը սկսել է հայ համայնքին վերադարձնել նախկինում նրանց պատկանած գույքը: Նա անդրադարձել է նաև Թուրքիայում քրդական հաշտեցման գործընթացին: Պատմել է իր երտասարդության տարիներից ուշագրավ դեպքեր, իսկ վերջում խոսել է նաև Հայոց ցեղասպանության մասին: Բոսթանջին կարծում է, որ այսօր քրդերը արդեն ցավ են ապրում այն բանի համար, որ ժամանակին մասնակցություն են ունեցել հայերի կոտորածներին: Լրագրողի կողմից հնչեցված այն հարցին, «արդյո՞ք նա սատարում է հայկական սփյուռքի 1915 թվականի դեպքերի վերաբերյալ նրանց դիրքորոշումը»: Ի պատասխան Երվանդ Բոսթանջըն ասել է, որ ինքն էլ ցեղասպանություն վերապրած ծնողների զավակ է, կատարվածը ցեղասպանություն է, ինչպե՞ս ես կարող եմ այն հերքել: Սակայն այս ամենը  «Միություն և առաջադիմություն» կուսակցության ձեռքի գործն էր:

Հիշեցնենք որ, Երվանդ Բոսթանջըն 21 տարի ԱՄՆ-ումբնակվելուց հետո վերադարձել է ծննդավայր Դիարբեքիր՝ մշտական բնակություն հաստատելու նպատակով: 

Ermenihaber.am