Էգեմեն Բաղըշ. «Հնարավոր է` Թուրքիայում պարտադիր զինծառայությունը հանվի»

Տարածաշրջան14:26, 04 Հոկտեմբեր 2013

Էգեմեն Բաղըշ. «Հնարավոր է` Թուրքիայում պարտադիր զինծառայությունը հանվի»

Թուրքիայի՝ Եվրամիության հարցերով պետնախարար և ԵՄ-ին Թուրքիայի լիիրավ անդամակցության գծով գլխավոր բանագնաց Էգեմեն Բաղըշն Ավջըլարում մզկիթի բացման հանդիսավոր արարողությունից հետո պատասխանել է լրագրողների հարցերին:

Թուրքական «Mynet.com» լրատվական կայքը հայտնում է, որ հոկտեմբերի 3-ին վարչապետ Էրդողանը պարտադիր զինծառայության վերաբերյալ հայտարարությամբ է հանդես եկել, որտեղ նշել է, որ 15 ամիս պարտադիր զինծառայության ժամկետը բավականին երկար է, և հնարավոր է`այն կրճատվի մինչև12 ամիս կամ մեկ տարի ժամկետի:

Էրդողանի վերոնշյալ հայտարության վերաբերյալ հնչեցված հարցին Բաղըշը պատասխանել է. «Հարգարժան Էրդողանը այս թեմայով համապատասխան հայտարարությամբ է հանդես է եկել: Նայե՛ք, արդեն 9-10 ամիս շարունակ զոհերի մասին լուրեր չկան: Ահաբեկչությունը սկսել ենք մոռանալ: Թող Ալլահը մեր երկրի անդորրը խաթարել ցանակացողներին ոչ մի հնարավորություն չընձեռնի: Եթե երկրում տիրող անդորրը չխաթարվի, ապա, ինչու՞ ոչ, հնարավոր է և պարտադիր զինծառայության ժամկետը կրճատվի: Ինչպես նաև հնարավոր է, որ երկարաժամկետ գործընթացով անցնենք նաև պրոֆեսիոնալ բանակային համակարգի: Այդ ժամանակ կարելի է մտածել նաև պարտադիր զինծառայությունը հանելու մասին: Սակայն, նախնական փուլում զինծառայության ժամկետի կրճատումը ևս հաջողություն է: Ալլահը թող մեր անդորրը չխաթարի»:

Նշենք, որ պաշտոնական տվյալներով՝ Թուրքիայի բանակի ընդհանուր զորակազմի թիվը 687.617 է: Զինծառայողներից 481.603-ը ծառայում է ցամաքային, ռազմաօդային և ռազմածովային ուժերում, 191.684-ը կազմում է ժանդարմերիան, իսկ 5.330-ն էլ` առափնա պարեկային զորախումբը: Ներկայումս Թուրքիայի զինված ուժերում ծառայում է 347 գեներալ և ծովակալ:

Ermenihaber.am

Այս ենթաբաժնի վերջին նորությունները

11:06, 15 սեպ

Հենց ՀՀ-ի և Ադրբեջանի միջև վերջնական համաձայնագիրը ստորագրվի, մենք կկարգավորենք հարաբերությունները ՀՀ-ի հետ

Թուրքիայի արտգործնախարարն անդրադարձել է Հայաստանի ու Ադրբեջանի միջև կնքվելիք համաձայնագրի ժամկետներին։

12:53, 12 սեպ

Ֆիդան․ Կատարի դեմ հարձակումը պետք է սթափեցնի Նեթանյահուին հանդուրժողներին

Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը: