ERMENI HABER AJANSI

Շվեդիայում բնակվող Լիլյա Մանուկը՝ ամուսնու Նայրի Մանուկի և ծնունդով Սասունցի Բեսսե Քաբաքի հետ, ով նաև հանդիսանում «Ագոս»-ի սյունակագիր, Սասունում գտնվող իր՝ պապական Դաղչաթը գյուղն է այցելել, որտեղից 100 տարի առաջ գաղթել է նրա պապ Լահոն: Լիլյա Մանուկը հարցազրույց է տվել «Անադոլու» լրատ- վական գործակալության թղթակցին, ում պատմել է. որ ծնվել է Հայաստանում, ապա տեղափոխվել Շվեդիա: Նա եղել է պապի տանը, բակում, գյուղում գտնվող հինավուրց եկեղեցի է այցելել, մոմ է վառել և աղոթել է:

Ամուսինները Սասունում երկու օր են անցկացրել, որի ընթացքում եղել են նաև Քալեյոլու գյուղի Բոզըքա ամրոցում և Քոմք եկեղեցում:  Շվեդիա վերադառնալուց առաջ Լիլյա Մանուկը պապի տան բակից հող, ինչպես նաև ընկույզ, քար և մի փունջ ծաղիկ է վերցրել: Ըստ նրա՝ իրենց գյուղն հենց այնպիսին է, ինչպիսին որ պատմել է իր Ռեյհան տատը: Սակայն իր պապի տունը անուշադրության հետևանքով փլվել է: 100 տարի առաջ գյուղից գաղթելուց հետո այլևս ոչ ոք իրենց ընտանիքից չի այցելել գյուղ: Տպավորությունները երազային են: Նա նաև նշել է, որ գյուղում իրենց շատ լավ են վերաբերվել, նույնիսկ հյուրընկալվել են այն մարդկանց տանը, ովքեր հետագայում մշակել են իր պապի՝ Լահոյի այգին, դաշտը:

Ermenihaber.am