Թուրքիայի բանակը ՀՕՊ հեռահար համակարգերից ընտրել է չինականը

Տարածաշրջան08:15, 27 Սեպտեմբեր 2013

Թուրքիայի բանակը ՀՕՊ հեռահար համակարգերից ընտրել է չինականը

Նախօրեին գումարված Թուրքիայի ռազմարդյունաբերության գործադիր կոմիտեի նիստում քննարկման է դրվել, թե արտասահմանյան ռազմարդյունաբերողներից որ մեկի հեռահար հակաօդային պաշտպանության համակարգերն են Թուրքիայի համար առավել գերադասելի:

Շուրջ 3.5 ժամ տևած նիստը նախագահել է երկրի վարչապետ Ռեջեփ Թայիփ Էրդողանը: Մասնակցել են Թուրքիայի պաշտպանության նախարար Իսմեթ Յըլմազը, ԶՈւ գլխավոր շտաբի պետ, բանակի գեներալ Նեջդեթ Օզելը և ուրիշներ:

Նիստից հետո տարածվել է մամուլի հաղորդագրություն, համաձայն որի, մրցույթին մասնակցող կապալառու ընկերություններից նախապատվությունը տրվել է չինական «CPMIEC»-ին: Վերջինս գործունեություն է ծավալում Չինաստանում և այսուհետև համագործակցելով թուրքական կողմի հետ համատեղ արտադրելու է հեռահար զենիթահրթիռային կայաններ:

Հայտարարված մրցույթին մասնակցում էին նաև ամերիկյան Patriot, ռուսական S300-S400 և ֆրանս-իտալական համատեղ արտադրության Samp-T հակաօդային պաշտպանության համակարգերը: Թուրքերի կողմից ընտրված չինական FD-2000 համակարգի հրթիռներն ընդունակ են ուղղահայաց մեկնարկի, ունեն 100 կիլոմետրի հեռահարություն և կարող են սուրալ մինչև 20 հազար մետր բարձրություն:

Ermenihaber.am

Այս ենթաբաժնի վերջին նորությունները

11:06, 15 սեպ

Հենց ՀՀ-ի և Ադրբեջանի միջև վերջնական համաձայնագիրը ստորագրվի, մենք կկարգավորենք հարաբերությունները ՀՀ-ի հետ

Թուրքիայի արտգործնախարարն անդրադարձել է Հայաստանի ու Ադրբեջանի միջև կնքվելիք համաձայնագրի ժամկետներին։

12:53, 12 սեպ

Ֆիդան․ Կատարի դեմ հարձակումը պետք է սթափեցնի Նեթանյահուին հանդուրժողներին

Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը: