Թուրք մեղադրյալ. «Երբեք թուրքական ինքնության համար չեմ հպարտացել»

Իրավական10:09, 26 Սեպտեմբեր 2013

Թուրք մեղադրյալ. «Երբեք թուրքական ինքնության համար չեմ հպարտացել»

Ստամբուլի 15-րդ ծանր հանցագործությունների դատարանում սկսվել է «Քրդական համայնքների միության» դատավարության հերթական 20-րդ դատական նիստը:

22 ձերբակալվածների՝ ընդհանուր առմամբ 46 կասկածյալի գործերն քննության են առնվել: Թուրքական «Մալաթիասոնհաբեր» լրատվական կայքը նշում է, որ դատավարությանը մասնակցել են 21 կալանավորված և 16 ազատատության մեջ գտնվող մեղադրյալներ:

Դատավարությունը աչքի է ընկել ուշագրավ ելույթներով: Հատկապես աչքի է ընկնում «Քրդական համայնքների միության» չկալանավորված կասկածյալ, լրագրող Արզու Դեմիրի ելույթը: Նա հիշատակել է, որ ինքը աշխատում է քուրդ գործընկերների հետ, ապա իր թուրքական արմատների մասին ուշագրավ հայտարարություն արել: Մասնավորապես նա պատմել է , որ իր ընտանիքը Քասթամոնույում է ապրում: Մի օր հայրիկին հարցրել է, թե ի՞նչ է կարծում, արդյո՞ք իրենց ցեղում կարող է հայ լինել: Ի պատասխան հնչել է. «Աստված հեռու պահի»: Իր հարցի պատճառով, հայրը սրտի կաթված է տարել: Այդուհետև, այլևս ինքնության մասին չի փորձել այլ հարցադրումներ անել: Իսկ ահա թուրք ծնվելն էլ իր նախընտրությունով չի եղել: Դեմիրի խոսքերի համաձայն, ինքը թուրք է ծնվել ոչ իր նախընտրությամբ: Ապա ասել է. «Երբեք թուրքական ինքնության համար չեմ հպարտացել: Ինքս տեսել եմ, թե ինչպես է իմ մայրենի լեզուն ուրիշների համար դառնում խոշտանգման պատճառ»:

Ermenihaber.am

Այս ենթաբաժնի վերջին նորությունները

11:50, 11 սեպ

Թուրքիայում 10 խոշոր ձեռնարկատեր կձերբակալվի

Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։