Տնտեսական10:02, 24 Սեպտեմբեր 2013
Թուրքիայում եկամուտներն աճում են, բայց հավասարաչափ են բաշխվում. Ջինի գործակից
Թուրքիայի վիճակագրական ծառայության հրապարակած տվյալների համաձայն` այդ երկրում մեկ ընտանիքին բաժին ընկնող տարեկան միջինացված եկամուտը 2008-ին եղել է 19.328 թուրքական լիրա (12.700 դոլար), 2012-ին` 26.577 լիրա (17.400 դոլար): Եկամտաբերության ամենաբարձր ցուցանիշն արձանագրվել է Ստամբուլի նահանգում (16.126 լիրա), իսկ ամենացածրը` Թուրքիայի հարավ-արևելյան տարածաշրջանում (5.870), որը հիմնականում բնակեցված է քրդերով:
Նշվում է, որ թեև եկամուտների չափը տարեցտարի աճել է, բայց դրանց տեղաբաշխվածությունն արդյունավետ չի եղել: Չնայած այն բանին, որ Թուրքիայում ավելացել է մեկ շնչին բաժին ընկնող ազգային եկամուտը, բայց չքավոր և ունևոր խավերի միջև եղած տարբերությունը չի փոխվել:
Ջինի գործակցի միջոցով որոշվում է, թե տվյալ երկրում որքան արդյունավետ և հանրության կենսամակարդակին նպաստող է տարեկան եկամուտների տեղաբաշխվածությունը: Ջինի գործակիցը ցույց է տալիս եկամուտների անհավասարաչափ բաշխումը հարուստ և աղքատ խավերի միջև։ Եթե գործակիցը ձգտում է 0-ի, ապա եկամուտները հավասարաչափ են բաշխվում, իսկ եթե ձգտում է 1-ի՝ ծայրահեղ անհավասար։
Աշխարհում Ջինի միջին գործակից է համարվում 0.399-ը: Մասնավորապես Եվրամիության երկրներում այդ ցուցանիշը կազմում է 0.304: Նշյալ տեսանկյունից ամենալավ ցուցանիշն ունի Շվեդիան (0.25): Իսկ ահա Թուրքիայում այն կազմում է 0.404:
Ermenihaber.am
Այս ենթաբաժնի վերջին նորությունները
Թուրքիայի գանձապետարանի և ֆինանսների նախարարը հայտարարել է, որ 2025-ին տարեկան գնաճը կարող է կազմել 19-29 տոկոս:
Թուրքական մամուլում որպես պատճառ նշվում է իրանական նավթի ներկրումը:
Նշվում է, որ աշխատանքներ են տարվում Թուրքիայից դեպի Հալեպ և Իդլիբ էլեկտրաէներգիա և գազ փոխադրելու 2 նոր գծի վրա։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Որպես այլընտրանքային ուղիներ դիտարկվել են Հունաստանի և Բուլղարիայի օդային տարածքները:
Թուրքական մամուլում որպես պատճառ նշվում է իրանական նավթի ներկրումը:
Հարձակումն կատարած անձը ձերբակալվել է: Դեպքի հանգամանքները պարզվում են:
JINSA-ի զեկույցում ընդգծվել է, որ Թուրքիան կործանիչների ձեռքբերման տեսանկյունից վստահելի չէ:
Հեռախոսազրույցի ընթացքում Թուրքիայի նախագահը Սպիտակ տան ղեկավարին հրավիրել է Թուրքիա։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |