Թուրք պատմաբան. «Հայերը հողեր գնելով պետություն հիմնելու նպատակ էին հետապնդում»

Տարածաշրջան08:41, 23 Սեպտեմբեր 2013

Թուրք պատմաբան. «Հայերը հողեր գնելով պետություն հիմնելու նպատակ էին հետապնդում»

Սեպտեմբերի 23-26-ին Թուրքիայի Իմամօղլու շրջանում տեղի ունենալու է բացօդյա ցուցահանդես, որի ժամանակ պատմաբան Ջեզմի Յուրթսեվերը ցուցադրելու է Չուկուրովայի պետականագրարատնտեսության վաճառքի փաստաթղթերը և պատմական լուսանկարներ:

Թուրքական «Զաման» թերթը մեջբերում է պատմաբանի հաղորդած տեղեկությունները, ըստ որոնց Չուկուրովայի տարածքը պետականցվել և այնտեղ ագրարային տնտեսություն ստեղծվել է 1890-ական թթ. Օսմանյան սուլթան Աբդուլհամիդ 2-րդի կողմից : 1912 թվականին այն վաճառվել է ֆրանսիական«Լեսսեփ» ընկերությանը:

Ինչպես պարզ է դառնում պատմաբանի տեղեկություններից, այդ հողատարածքը պետականացնելու հիմնական պատճառներից մեկը հայերն են եղել:

«1880-1885թթ. Աբդուլհամիդ 2-րդը Ադանայի նահանգապետ է նշանակել Աբիդին փաշային: Վերջինս հասկացել է, որ օտարերկրացիները և նրանց հետ գործ ունեցող հայ առևտրականները, Չուկուրովայի հողերը գնելով , արդյունքում Կիլիկյան Հայաստան պետություն հիմնելու քաղաքական նպատակ էին հետապնդում»,- ընդգծել է պատմաբան Ջեզմի Յուրթսեվերը: 1890-ականներին արդեն Մերջիմեք, Քոզան, Իմամօղլու, Ջեյհան և Յուրեղիր գավառները ընդգրկող տարածքը հայտարարվեց պետական սեփականություն: Իսկ օտարերկրացիներին առանց պետության թույլտվության արգելվեց հող վաճառել:

Սուլթան Աբդուլհամիդ 2-րդին պատկանող Չուկուրովայի ագրարային տնտեսությունը 1912 թվականին 75 տարի շահագործման իրավունքով վաճառվել էր ֆրանսիացիներին:

Ermenihaber.am

Այս ենթաբաժնի վերջին նորությունները

11:06, 15 սեպ

Հենց ՀՀ-ի և Ադրբեջանի միջև վերջնական համաձայնագիրը ստորագրվի, մենք կկարգավորենք հարաբերությունները ՀՀ-ի հետ

Թուրքիայի արտգործնախարարն անդրադարձել է Հայաստանի ու Ադրբեջանի միջև կնքվելիք համաձայնագրի ժամկետներին։

12:53, 12 սեպ

Ֆիդան․ Կատարի դեմ հարձակումը պետք է սթափեցնի Նեթանյահուին հանդուրժողներին

Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը: