Թուրք հոդվածագիր. Ասադին աջակցողների մեծ մասն իրականում ցանկանում է Էրդողանին նեղը գցել

Հասարակական10:21, 21 Սեպտեմբեր 2013

Թուրք հոդվածագիր. Ասադին աջակցողների մեծ մասն իրականում ցանկանում է Էրդողանին նեղը գցել

Թուրքական մամուլում տեղ է գտել «Սթար մեդիա գրուփի» ղեկավար Մուստաֆա Քարաալիօղլուի «Ասդին աջակցող լրագրողներն ավելի շատ են, քան Իրանում» վերտառությամբ հոդվածը, որտեղ հեղինակն առաջ է քաշում այն միտքը, որ Թուրքիայում Ասադին աջակցող տարբեր շրջանակների իրական նպատակը վարչապետ Էրդողանն է: Հոդվածը որոշ կրճատումներով ներկայացնում ենք ստորև.

«Իրենց ամբողջ կյանքի ընթացքում քրդերից զզված, իսկ հայերին լուրջ չվերաբերված մարդիկ այսօր քրդերից ավելի քրդամետ են, հայերից` ավելի Հրանտ Դինքական: Ոչ վաղ անցյալում քուրդ և հայ մտավորականներին թիրախ դարձրած թերթերն ու լրագրողները չեն հրաժարվել իրենց ֆանատիզմից: Մի կեղծ ժողովրդավարության ցուցադրության ենք ականատես լինում միայն:

Որպես կանոն, քրդերին չնչին կարևորություն անգամ չտվածները վերջին ժամանակներում իրավիճակն այնքան են չափազանցրել, որ նույնիսկ համարձակվւմ են երկրի հարավ-արևելքում (քրդաբնակ շրջաններ -EH) թմրամիջոցների դեմ իրականացվող օպերացիաներին դեմ դուրս գալ:

Դեռ մինչև երեկ Ասադի հետ եղբայրական հարաբերություններ ունեցող կառավարությանը ամենածանր կերպով քննադատողները վերջինիս դիրքորոշման կտրուկ փոփոխությունից հետո էլ շարունակում են նույնն անել:

Թուրքիայում իրականում չգրանցված ու առանց պայմանի Ասադին աջակցող թերթերն ու լրագրողներն ավելի շատ են, քան Իրանում: Այս ամենի միակ պատճառը Թայիփ էրդողանին դեմ լինելն է: Այս քայլերով նրանք փորձում են ընտրությունների ժամանակ կորցրածը հետ վերադարձնել: 2006-2007 թթ դրոշով և գլխարկող Մուստաֆա Քեմալը բացահայտվեց:

Բայց այս անգամ միայն ազգայնականները չեն, այս անգամ բոլոր ավանդական միավորումները առաջ են շարժվում ԺՀԿ-ի (Ժողովրդահանրապետական կուսակցություն (քեմալականներ)) և նրան սպասարկող մամուլի դրոշի ներքո»:

Ermenihaber.am