Թուրքական դատարանը որոշեց կրկին ձերբակալել Դինքի գործով անմեղ ճանաչված ամբաստանյալին

Իրավական12:07, 17 Սեպտեմբեր 2013

Թուրքական դատարանը որոշեց կրկին ձերբակալել Դինքի գործով անմեղ ճանաչված ամբաստանյալին

Թուրքիայում վերաքննիչ դատարանի կողմից նախաձեռնվել է «Ագոս» թերթի հիմնադիր խմբագրապետ Հրանտ Դինքի սպանության գործով դատավարության նոր փուլը: Դատավարության առաջին նիստը կայացել է այսօր:
Դատական նիստում քննվել է Դինքի պանության կազմակերպման մեջ կասկածվող Էրհան Թունջելի հարցը, ով, անմեղ ճանաչվելով, ազատ էր արձակվել: Դատախազը պահանջել է չեղյալ համարել Թունջելին անմեղ ճանաչելու մասին որոշումը և նորից կալանավորել նրան:

Ըստ թուրքական «Սոնդաքիքա» լրատվական կայքի` դատարանը, բավարարելով դատախազի պահանջը, որոշում է կայացրել ձերբակալելու նպատակով Թունջելին բերման ենթարկել:

Հիշեցնենք, որ Հրանտ Դինքը սպանվել է 2007թ. հունվարի 19-ին: 2012թ. հունվարի 17-ին, հրապարակվեց դատավճիռը, ըստ որի` թուրքական դատարանը Դինքի սպանության գործում Յասին Հայալին մեղավոր ճանաչեց սպանությունը կազմակերպելու մեղադրանքով և դատապարտեց ցմահ ազատազրկման։ Սպանության կազմակերպիչներից Էրհան Թունջելը Դինքի սպանության գործով անմեղ ճանաչվեց:

Հանցագործությունն իրականացրած Օգյուն Սամասթը դատապարտվեց 21 տարի 6 ամիս ազատազրկման։ Սակայն 2013թ. հունվարին Թուրքիայի հանրապետական դատախազությունը չեղյալ հայտարարեց Դինքի գործով դատավճիռը:

Նախորդող հրապարակում`

Դինքի ընտանիք. «Սուտը ջրի նման խմած, բռնությունը հացի պես կերած թուրքական պետություն»
http://www.ermenihaber.am/?lang_id=2&news_=9&cur_news=325

Ermenihaber.am

Այս ենթաբաժնի վերջին նորությունները

11:50, 11 սեպ

Թուրքիայում 10 խոշոր ձեռնարկատեր կձերբակալվի

Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։