Թուրքերը կորեական պատերազմում տված իրենց զոհերի պատճառ են համարում հայ թարգմանիչներին

Տարածաշրջան10:00, 16 Սեպտեմբեր 2013

Թուրքերը կորեական պատերազմում տված իրենց զոհերի պատճառ են համարում հայ թարգմանիչներին

Կորեական պատերազմի ժամանակ հարյուրավոր թուրք զինվորներ սպանվել են հայ ռազմական թարգմանիչների պատճառով: Նման տեղեկություն է տարածել թուրքական «ասքերհաբեր» լրատվական կայքը` վկայակոչելով ամերիկաբնակ պաշտոնաթող կապիտան Վեդաթ Ասլային:

Երբ ամերիկյան զորքերը սկսել էին նահանջել, չինական բանակի 500 հազարանոց զորքը անցել է հարձակման: Ամերիկյան զորքերի հայ թարգմանիչները, որոնք միջնորդ օղակ էին ծառայում անգլերեն չիմացող թուրք զինծառայողների և ամերիկյան հրամանատարության միջև, ըստ աղբյուրի, թուրքական ուժերին լուր չեն տվել նահանջի մասին, ինչի հետևանքով 5 հազարանոց թուրքական զորախումբը մնացել է դեմ հանդիման չինական 500 հազարանոց զորամիավորման դեմ: Թուրք զինվորներից 2.400-ին հաջողվում է ճեղքել պաշարման օղակը և փախւստի դիմել, իսկ մնացածները կամ զոհվում են կամ գերեվարվում:

Քանի որ այդ ժամանակ Թուրքիան նպատակ ուներ անդամակցել հյուսիսատլանտյան ռազմական դաշինքին` ՆԱՏՕ, 1950 թվականին ընթացող կորեական պատերազմում հյուսիսկորեական և չինական զորամիավորումների դեմ կռվող ամերիկյան զորքեր կազմ է ուղարկում թուրքական զորախումբ: Եվ ստացվում է այնպես, որ կորեական պատերազմում ամերիկացներից հետո երկրորդ ամենաշատ մարդկային կորուստը` ավելի քան 700 զինվոր, կրում է թուրքերը, որոնք համոզված են, թե հայ թարգմանիչները միտումնավոր են թուրք զինվորներին ոչնչացման վտանգի մեջ թողել:

Ermenihaber.am

Այս ենթաբաժնի վերջին նորությունները

11:06, 15 սեպ

Հենց ՀՀ-ի և Ադրբեջանի միջև վերջնական համաձայնագիրը ստորագրվի, մենք կկարգավորենք հարաբերությունները ՀՀ-ի հետ

Թուրքիայի արտգործնախարարն անդրադարձել է Հայաստանի ու Ադրբեջանի միջև կնքվելիք համաձայնագրի ժամկետներին։

12:53, 12 սեպ

Ֆիդան․ Կատարի դեմ հարձակումը պետք է սթափեցնի Նեթանյահուին հանդուրժողներին

Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը: