Էրդողանը կրկին մեղադրել է Ասադին

Տարածաշրջան15:49, 12 Սեպտեմբեր 2013

Էրդողանը կրկին մեղադրել է Ասադին

Թուրքիայի վարչապետ Ռեջեփ Թայիփ Էրդողանը այսօր ելույթ է ունեցել Արդյունաբերողների և գործարարների միության կողմից կազմակերպված մանր բիզնեսի խորհրդում : Ելույթում էրդողանն անդրադարձել է տեղի ունեցող բողոքի ակցիաներին, նախօրեին քննարկված «Ժողովրդավարացման փաթեթին» և Սիրիայի խնդրին: Նրա խոսքով իրենք հարգանքով են վերաբերում բոլոր ազատություններին, սակայն երբ փողոցի գործողությունները դուրս են գալիս օրենքով նախատեսվածի շրջանակներից, նրանք անվտանգության ուժերի հետ միասին պատրաստ են կիրառել իրենց վերապահված բոլոր միջոցները:

«Ժողովրդավարացման փաթեթի» քննարկումներին անդրադառնալով տեղեկացրել է, որ հույս ունեն, թե վաղը սպասվող քննարկումներին կկարողանան ավարտել վերջին դրույթների մշակումը, և արդեն հաջորդ շաբաթ նա այդ մասին հանդես կգա մեկնաբանություններով:

Խոսելով Սիրիայի զարգացումների մասին՝ Էրդողանը մասնավորապես ասել է. «Մեզ համար մահը մահ է: Կարևոր չէ, թե օգտագործված զենքը ինչ տեսակի է: Սիրիայում մարդկության դեմ կատարված հանցանքի պատասխանը պետք է տա իշխող ռեժիմը: Ասադի ռեժիմը մինչ այժմ չի կատարել իր պարտավորությունները, դրժել է տված խոստումները և այդ ճանապարհով ավելի շատ հանցագործություն կատարելու համար ժամանակ շահել:

Մենք կասկածանքով սպասում ենք քիմիական զենքի վերաբերյալ նրա տված խոստումների կատարմանը»:

Ermenihaber.am

Այս ենթաբաժնի վերջին նորությունները

11:06, 15 սեպ

Հենց ՀՀ-ի և Ադրբեջանի միջև վերջնական համաձայնագիրը ստորագրվի, մենք կկարգավորենք հարաբերությունները ՀՀ-ի հետ

Թուրքիայի արտգործնախարարն անդրադարձել է Հայաստանի ու Ադրբեջանի միջև կնքվելիք համաձայնագրի ժամկետներին։

12:53, 12 սեպ

Ֆիդան․ Կատարի դեմ հարձակումը պետք է սթափեցնի Նեթանյահուին հանդուրժողներին

Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը: