Ստամբուլում ցուցարարների ու ոստիկանների միջև բախումները շարունակվում են

Տարածաշրջան07:16, 11 Սեպտեմբեր 2013

Ստամբուլում ցուցարարների ու ոստիկանների միջև բախումները շարունակվում են

Թուրքիայի հարավ-արևելյան Հաթայ նահանգի Անթաքիա շրջանում կազմակերպված բողոքի ցույցի ժամանակ սպանված Ահմեթ Աթաքանի համար նախօրեին բողոքի ցույցեր են տեղի ունեցել: Ոստիկանությունը միջամտել է ցույցերին, մեծ թվով ցուցարարներ ձերբակալվել են:
Ըստ «CNNTurk»-ի `երեկ սոցիալական ցանցերում տեղեկություն էր տարածվել, որ ժամը 19:00-ին ցուցարարները հավաքվելու են Ստամբուլի Թաքսիմ հրապարակում ` հարգելու սպանված ցուցարարի հիշատակը, ինչպես նաև հանդես գան հայտարարությամբ:

Ըստ աղբյուրի` ժամը 18:00-ից ոստիկանությունը փակել է Գեզի զբոսայգին, Թաքսիմ հրապարակը: Ոստիկանները ցույցը ցրելու համար կրկին կիրառել են արցունքաբեր գազ: Ցուցարարներից մեկը տեղափոխվել է հիվանդանոց:

Ոստիկանները թույլ չեն տվել նույնիսկ, որ ցուցարարները ծաղիկներ դնեն սպանված ցուցարարի հիշատակին: Ցուցարարների շարքերում եղել են նաև ԺՀԿ(CHP) և ԽԺԿ(BDP)-ական պատգամավորներ, որոնք 1 ժամանոց նստացույց են արել, ապա դիմելով լրագրողներին ասել են. «Բռնությունն էլ սահման ունի: Չկա բռնության մի տեսակ, որ այս ժողովրդի նկատմամբ կիրառված չլինի, սակայն ժողովուրդը վախի արգելքը հաղթահարել է: Գեզիի դիմադրությունը սրանց կոկորդում է մնացել: Ոչ կարողանում են կուլ տան, ոչ էլ` թքեն»:

Հիշեցնենք, որ 22-ամյա Ահմեթ Աթաքանը սպանվել էր Հաթայի բողոքի ակցիայի ժամանակ, որը նվիրված է եղել Գեզիի ցույցերի ժամանակ Աբդուլլահ Ջոմերթին սպանած ոստիկաններին բացահայտելու և պատասխանատվության ենթարկելու պահանջին:

Ընթացքում բախում էր տեղի ունեցել ոստիկանների ու ցուցարարների միջև, որի ժամանակ էլ սպանվել է Ահմեթ Աթաքանը:

Ermenihaber.am

Այս ենթաբաժնի վերջին նորությունները

11:06, 15 սեպ

Հենց ՀՀ-ի և Ադրբեջանի միջև վերջնական համաձայնագիրը ստորագրվի, մենք կկարգավորենք հարաբերությունները ՀՀ-ի հետ

Թուրքիայի արտգործնախարարն անդրադարձել է Հայաստանի ու Ադրբեջանի միջև կնքվելիք համաձայնագրի ժամկետներին։

12:53, 12 սեպ

Ֆիդան․ Կատարի դեմ հարձակումը պետք է սթափեցնի Նեթանյահուին հանդուրժողներին

Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը: