Հայկական պատվիրակությունը Յաշար Քեմալին հանձնեց «Գրիգոր Նարեկացի» մեդալը

Մշակութային14:35, 04 Սեպտեմբեր 2013

Հայկական պատվիրակությունը Յաշար Քեմալին հանձնեց «Գրիգոր Նարեկացի» մեդալը

Թուրքական «Հյուրիյեթի» հաղորդմամբ` այսօր անվանի քուրդ գրող Յաշար Քեմալին է հանձնվել Հայաստանի մշակույթի նախարարության կողմից նրան շնորհված «Գրիգոր Նարեկացի» մեդալը:

Թերթը տեղեկացնում է, որ Հայաստանի մշակույթի նախարարության կողմից Թուրքիա գործուղված պատվիրակությունն այցելել է Յաշար Քեմալի տուն հանձնել են ՀՀ մշակույթի նախարարության մեդալը: Պատվիրակության կազմում են մշակույթի նախարարության ժամանակակից արվեստի վարչություն պետ Սեյրանուհի Գեղամյանը, ԱԺ պատգամավոր Արագած Ախոյանը, արևմտահայերի խորհրդի ներկայացուցիչ Վահան Մելիքյանը և Սևակ Արզումանյանը: Պատվիրակությունը նաև Քեմալին 1975-ին հայերեն լեզվով լույս տեսած «Ինջե Մեմեդ» (İnce Memed) վեպի հետ միասին տարբեր պարգևատրումներ են հանձնել:

Արարողության ժամանակ ելույթ ունենալով` Յաշար Քեմալն ասել է. «Այս հողերը միևնույն ժամանակ մեծ ցավերի ու կոտորածների հողեր են. վերապրած շատ մեծ ցավեր, ոչնչացված մեծ արժեքներ կան, սակայն մարդկային բոլոր աղտերից մաքրվելու ճիգեր էլ կան: Ճիգերից ամենասուրբն էլ թշնամություններին դեմ դուրս գալն ու խաղաղությամբ պայքարելն է»:

Ermenihaber.am