Իսրայելական թերթ. «Թուրքիան Իրանից հետո մեր ամենամեծ թշնամին է»

Տարածաշրջան14:34, 30 Օգոստոս 2013

Իսրայելական թերթ. «Թուրքիան Իրանից հետո մեր ամենամեծ թշնամին է»

Թուրքական «Միլլիյեթի» հաղորդմամբ` Թուրքիայի վարչապետ Ռեջեփ Թայիփ Էրդողանի`«Եգիպտոսում տեղի ունեցած բախումների հետևում Իսրայելն է կանգնած» արտահայտությունը շարունակում է արձագանքներ գտնել Իսրայելական մամուլում: Այս համատեքստում արված մեկնաբանություններում Իսրայելի` Թուրքիայից խնդրած ներողությունը մեծ սխալ է որակվել, իսկ Թուրքիան անվանվել է Իսրայելի ամենամեծ թշնամին` Իրանից հետո: Իսրայելական հայտնի «Yedioth Ahronoth» թերթի հոդվածագիրը իր «Ներողության համար ափսոսում ենք» վերնագրով հոդվածում Իսրայելի ժեստը մեծագույն սխալ է անվանել:

Հոդվածագրի խոսքերով Իսրայելի կառավարությունը ծնկի եկավ և չկատարած հանցանքի համար ներողություն խնդրեց, ինչի պատճառով բազմիցս նախատնքների արժանացավ: Այդ ամենին հակառակ Էրդողանը ոչ մի անգամ հանդուրժողական մոտեցում չցուցաբերեց: Ավելին, Եգիպտոսում կատարված դեպքերի համար Իսրայելին մեղադրեց:

Թերթը, շարունակելով «ներողության» թեման, գրում է. «Չնայած ստանձնած պարտավորություններին` Թուրքիան նույնիսկ հետ կանչած դեսպանին կրկին Իսրայել չուղարկեց: Սակայն կրկին Անթալիա այցելող զբոսաշրջիկները շարունակում են օգուտ տալ Թուրքիային: Այս պարագայում Թուրքիան, Իրանից հետո Իսրայելի համար տարածաշրջանի ամենամեծ թշնամին կարող է դիտարկվել»:

Ermenihaber.am

Այս ենթաբաժնի վերջին նորությունները

11:06, 15 սեպ

Հենց ՀՀ-ի և Ադրբեջանի միջև վերջնական համաձայնագիրը ստորագրվի, մենք կկարգավորենք հարաբերությունները ՀՀ-ի հետ

Թուրքիայի արտգործնախարարն անդրադարձել է Հայաստանի ու Ադրբեջանի միջև կնքվելիք համաձայնագրի ժամկետներին։

12:53, 12 սեպ

Ֆիդան․ Կատարի դեմ հարձակումը պետք է սթափեցնի Նեթանյահուին հանդուրժողներին

Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը: