Թուրքիայում բարձր պատրաստության է բերվել հակաօդային ու հակահրթիռային համակարգերը

Տարածաշրջան13:06, 29 Օգոստոս 2013

Թուրքիայում բարձր պատրաստության է բերվել հակաօդային ու հակահրթիռային համակարգերը

Թուրքական «Ռադիքալ» թերթը նշում է, որ ԱՄՆ-ի, Անգլիայի ու Ֆրանսիայի կողմից Սիրիայի նկատմամբ իրականացվելիք հնարավոր ռազմական օպերացիայի պայմաններում բոլորի ուշադրությունը սևեռվել է Թուրքիայի Քահրամանմարաշ (Մարաշ) և Գազիանթեփ շրջաններում ՆԱՏՕ-ի կողմից տեղակայած «Պատրիոտ» հակահրթիռային համակարգերին:

Նշվում է, որ Սիրիայի ուղղությամբ տեղակայված «Պատրիոտ» համակարգերը պատրաստ են անմիջապես հակահարված տալ յուրաքանչյուր հարձակման: Թերթի փոխանցմամբ`Քահրամանմարաշի Գազի զորամասում, որտեղ տեղակայված են 2 Պատրիոտ համակարգեր, ակտիվ պատրաստություններ է ընթանում, սակայն մամուլին այդ մասին որևէ մանրամասնություն չի հաղորդվում:

Իսկ թուրքական «Սաբահի» տեղեկություններով լարված իրավիճակ է նաև Ինջիրլիքի ամերիկյան ռազմաբազայում: Իրաքյան պատերազմի, ինչպես նաև ծոցի պատերազմների ժամանակ ԱՄՆ-ի կողմից հաճախակի օգտագործված, Թուրքիայի տարածքում գտնվող այս ռազմաբազայից օդ բարձրացած F 16 ինքնաթիռները փորձնական թռիչքներ են կատարել: Նշվում է նաև, որ թուրքական մամուլից բացի Ինջիրլիքի ռազմաբազայում տեղի ունեցող զարգացումներին ուշադրությամբ հետևում է նաև միջազգային մամուլը:

Ermenihaber.am

Այս ենթաբաժնի վերջին նորությունները

11:06, 15 սեպ

Հենց ՀՀ-ի և Ադրբեջանի միջև վերջնական համաձայնագիրը ստորագրվի, մենք կկարգավորենք հարաբերությունները ՀՀ-ի հետ

Թուրքիայի արտգործնախարարն անդրադարձել է Հայաստանի ու Ադրբեջանի միջև կնքվելիք համաձայնագրի ժամկետներին։

12:53, 12 սեպ

Ֆիդան․ Կատարի դեմ հարձակումը պետք է սթափեցնի Նեթանյահուին հանդուրժողներին

Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը: