Ադրբեջանցի գործիչն անհանգստացած է Իրանի հայանպաստ գործողություններից

Տարածաշրջան13:55, 21 Օգոստոս 2013

Ադրբեջանցի գործիչն անհանգստացած է Իրանի հայանպաստ գործողություններից

Ադրբեջանի սփյուռքի հարցերով զբաղվող կենտրոնի փոխնախագահ Սամիր Ադըգյուզելլին անհանգստություն է հայտնել, որ Իրանի Իսլամական Հանրապետությունը Թուրքիայում հայերին աջակցող գործողություններ է անում:

Այս մասին տեղեկացնող թուրքական «Իհլաս» լրատվական գործակալությունը հայտնում է, որ սեպտեմբերի 8-ին Աղթամարի Սուրբ Խաչ եկեղեցում մատուցվելիք պատարագի կապակցությամբ Վան մեկնած Ադըգյուզելլին, կարծիք է հայտնել, թե պատարագի առիթով Թուրքիա մեկնող հայկական խմբերն իրականում ոչ թե կրոնական շարժառիթ ունեն, այլ ձգտում են այդ երկրի տարածքային ամբողջականությանը սպառնացող քայքայիչ միսիոներական գործունեություն իրականացնել: Որպես օրինակ` նշում է, թե ինչպես են հայերը Վանի Բահչըվան թաղամասում երկհարկանի մի շենք վերանորոգել և գաղտնի հավաքատեղի սարքել:

Ադրբեջանցի գործիչը Թուրքիայի ուշադրությունը հրավիրել է Իրանի հայամետ գործողությունների վրա` որպես օրինակ նշելով, թե ինչպես է Սպահան քաղաքի Վան անունով հայկական եկեղեցում կազմակերպվում Հայոց ցեղասպանությանը նվիրված ցուցահանդես, որից ստացվող հասույթն ուղարկվելու է Հայաստան: Այդ ցուցահանդեսը բացվելու է Աղթամարի Սուրբ Խաչ եկեղեցում մատուցվելիք պատարագի նույն օրը: Այսինքն Թուրքիայում ևս հայերը կարողանալու են գրքեր և զանազան այլ ձեռնարկներ վաճառել և ստացված շահույթն ուղարկել Հայաստան: Ըստ Ադըգյուզելլինի` Իրանը աջակցություն է ցուցաբերում Վանում, Մուշում, Էրզրումում, Կարսում և Իգդիրում միսիոներական գործունեությամբ զբաղվող հայերին:

«Մենք դեմ ենք Իրանի այդ պահվածքին, որը նպաստում է Թուրքիայի դեմ ուղղված պառակտիչ գործողություններին: Պետք է կասեցվեն Թուրքիայի ներքին անդորրը խաթարող գործողությունները: Մենք ցանկանում ենք, որ եղբայրական Թուրքիան այդ հարցին զգայուն մոտենա: Մենք էլ մեր պատվիրակությունով սեպտեմբերի 8-ին լինելու ենք Աղթամարում հայկական լոբբիին դիմագրավելու համար»,- ասել է Ադըգյուզելլին:

Ermenihaber.am

Այս ենթաբաժնի վերջին նորությունները

11:06, 15 սեպ

Հենց ՀՀ-ի և Ադրբեջանի միջև վերջնական համաձայնագիրը ստորագրվի, մենք կկարգավորենք հարաբերությունները ՀՀ-ի հետ

Թուրքիայի արտգործնախարարն անդրադարձել է Հայաստանի ու Ադրբեջանի միջև կնքվելիք համաձայնագրի ժամկետներին։

12:53, 12 սեպ

Ֆիդան․ Կատարի դեմ հարձակումը պետք է սթափեցնի Նեթանյահուին հանդուրժողներին

Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը: