Թուրքիայի միակ հայկական գյուղի կանայք կոտրում են երկրում առկա կարծրատիպերը

Հասարակական09:57, 20 Օգոստոս 2013

Թուրքիայի միակ հայկական գյուղի կանայք կոտրում են երկրում առկա կարծրատիպերը

Վաքըֆլն Թուրքիայի միակ հայկական գյուղն է: Գյուղի կանայք ակտիվորեն ներգրավված են համայնքի առօրյային: Նրանք բնամթերքից մուրաբաներ, հյութեր են պատրաստում և գյուղի կոպերատիվում վաճառում: Արդյունքում և՛ իրենց ընտանեկան բյուջեներն են հարստացնում, և՛ կոպերատիվը:

Թուրքական «Հայաթգազեթեսի» լրատվական կայքն անդադարձել է գյուղի կանանց գործունեությանը: Վերոնշյալի մասին մանրամասներ է պատմել Վաքըֆլը գյուղի բնակչուհի Էդա Քըսադուրը:

Նրա խոսքերով Վաքըֆլը գյուղի կանայք գործում են ոչ թե իրենց ամուսինների թիկունքում, այլ ամուսինների կողքին՝ աջակցելով նրանց: Նրանց այդպիսի լինելը գալիս է ավանդաբար՝ իրենց նախնիներից: Եվ այդ մշակութային ժառանգությունը հանդիսանում է գործի ոլորտում իրենց հաջողության գրավականը:

Վաքըֆլը գյուղում կանայք երկրորդ պլան մղված չեն, նրանք միշտ գնտվում են տղամարդկանց կողքին: Էդա Քսադուրը պատմում է, որ Պոլսի հայոց պատրիարք Մեսրոպ արքեպսիկոպոս Մութաֆյանը գյուղ այցելելիս, միշտ ասել է. «Ֆիզիկական լիությունը կարևոր չէ: Խելամտությունն է կարևոր,եթե բոլորին կարևորություն տանք, ապա այստեղ բնակչությունը կկրկնապատվի: Այսինքն կանանց հաշվի չառնենք, ապա բնակչության թվապես կնվազի»:

Վաքըֆլը գյուղի 27 կանայք Վաքըֆլըի գյուղական տնտեսության զարգացման կոպերատիվին կից ստեղծել են գյուղի կոոպերատիվը: Նույն աղբյուրի համաձայն, գյուղի եկեղեցու բակում ստեղծվել է վաճառատեղի, որտեղ և կանայք իրացնում են իրենց ձեռքի պատրաստած բնամթերքները: Այդ կերպ, Վաքըֆլըի հայ կանայք գործում են տղամարդանց կողքին, այդպիսով Թուրքիայում կոտրելով այն կարծրատիպը, որի համաձայն իբր Թուրքիայում կանայք անուն չունեն:

Ermenihaber.am