ՔԲԿ-ն Թուրքիային սպառնում է պատերազմ սկսել

Տարածաշրջան14:00, 19 Օգոստոս 2013

ՔԲԿ-ն Թուրքիային սպառնում է պատերազմ սկսել

Քրդական համայնքների միության համանախագահ Ջեմիլ Բայըքը Քրդստանի բանվորական կուսակցության կենտրոն համարվող իրաքյան Քանդիլում արած հայտարարության մեջ Թուրքիային մեղադրել է թուրք-քրդական հաշտության գործընթացին լուրջ չվերաբերվելու մեջ: Բայըքը սպառնացել է նաև, որ եթե հաշտության գործընթացը մտնի փակուղի, ապա մեծ պատերազմ կարող է սկսվել:

Բայըքը մասնավորապես ասել է . «ԱԶԿ-ական (Արդարություն և զարգացում կուսակցություն) կառավարությունը հաշտության գործընթացին վերաբերվում է անլրջությամբ և երկերեսանիությամբ: Նա վախենում է ժողովրդավարությունից: Հույս ունեմ, որ գործընթացը փակուղի չի մտնի: Այդ դեպքում ՔԲԿ-ի զինյալների տարհանման դադարեցումից բացի, հարավ (Իրաք) անցածները կարող են վերադառնալ հյուսիս (Թուրքիա): Այդ ժամանակ էլ մեծ պատերազմ կարող է սկսվել: Սակայն ես չեմ ուզում, որ գործընթացը այդ ճանապարհով գնա»:

Հիշեցնենք, Թուրքիայի կառավարության և Քրդստանի բանվորական կուսակցության հիմնադիր և առաջնորդ Աբդուլլահ Օջալանի միջև ընթացող բանակցությունների արդյունքում մարտի 21-ին Դիարբեքիրում տեղի ունեցող Նովրուզի տոնակատարությունների ժամանակ ընթերցվեց Օջալանի ուղերձը, որում նա կոչ արեց ՔԲԿ զինյալներին վայր դնել զենքերը և լքել թուրքիայի տարածքը: Իսկ մայիսի 8-ից սկսած քուրդ զինյալները ոչ մեծ խմբերով լքում են Թուրքիայի տարածքը:

Ermenihaber.am

Այս ենթաբաժնի վերջին նորությունները

11:06, 15 սեպ

Հենց ՀՀ-ի և Ադրբեջանի միջև վերջնական համաձայնագիրը ստորագրվի, մենք կկարգավորենք հարաբերությունները ՀՀ-ի հետ

Թուրքիայի արտգործնախարարն անդրադարձել է Հայաստանի ու Ադրբեջանի միջև կնքվելիք համաձայնագրի ժամկետներին։

12:53, 12 սեպ

Ֆիդան․ Կատարի դեմ հարձակումը պետք է սթափեցնի Նեթանյահուին հանդուրժողներին

Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը: