Թուրք ըմբիշի որակազրկումը կասեցվել է

Մարզական08:59, 15 Օգոստոս 2013

Թուրք ըմբիշի որակազրկումը կասեցվել է

«İnsidethegaes.biz» լրատվական կայքը անդրադարձել է թուրք ծանրքաշային ըմբիշ Ռըզա Քայաալփի աղմկահարույց միջադեպին: Հիշեցնենք, որ օրեր առաջ Լոնդոնի օլիմպիական խաղերի բրոնզե մեադալակիր, թուրք ըմբիշ Ռըզա Քայաալփը մեղադրվել էր ռասիզմի մեջ: Թուրք ըմբիշն իր «թվիթերյան» էջում հայերի և հույների մասին կատարած ռասիստական բնույթի գրառման համար Միջազգային ըմբշամարտի ֆեդերացիայի (FİLA) կողմից որակազրկվել էր 6 ամսով:

Թուրքիայի ըմբշամարտի ֆեդերացիան բողոքարկել էր FİLA-ի որոշումը, և վճռաբեկ դատարան դիմելուց հետո որոշումը կասեցվել է: Այսպիսով Ռըզա Քայաալփը կկարողանա մասնակցել սեպտեմբերին Բուդապեշտում կայանալիք ըմբշամարտի աշխարհի առաջնությանը:

Թուրքիայի ըմբշամարտի նախագահ Համզա Յերլիքայան միջադեպի վերաբերյալ ասել է. «Մեր մարզիկն այդ ռասիստական բնույթի գրառումները չի արել: Այն երկրորդ, երրորդ մարդու ձեռքով է կատարվել: Սակայն, մենք նրանց խոսքերն էլ չկարողացանք գտնել»:

Ավելի վաղ, նշվում էր, որ մարզիկի կողմից կատարված վերոնշյալ գրառումները հասարակության շրջանում բարձրացված աղմուկի հետևանքով ջնջվել էին:

Ermenihaber.am