Ժամանակին Պոլսահայ համայնքին պատկանած «Սանասարյան հանը» վերածվելու է հյուրանոցի

Իրավական13:58, 12 Օգոստոս 2013

Ժամանակին Պոլսահայ համայնքին պատկանած «Սանասարյան հանը» վերածվելու է հյուրանոցի

Պոլսի Հայոց Պատրիարքարանի և Հիմնադրամների գլխավոր վարչության միջև դատական գործընթացների առիթ հանդիսացող «Սանասարյան հանի» աճուրդը ավարտվել է: Շենքը, որն ամսեկան 235 հզ. թուրքական լիրայով վարձակալության էր հանձնվել «Օզգեյլանի ինշաաթ» ընկերությանը, 18 ամիս հետո 5 աստղանի հյուրանոցի կվերածվի:

Պոլսի Հայոց պարիարքարանի` աճուրդը չեղյալ հայտարարելու և շենքի կառավարման իրավունքը պատրիարքարանին վերադարձնելու պահանջով հայցը դատարանի կողմից մերժվել է, և դատական գործընթացի ընթացքում շենքի առքուվաճառքի վրա դրված արգելքն էլ հանվել է:

Նշենք, որ «Սանասարյանի հան» անվանումով այս շենքը, որը հայ համայնքին վերադարձնելու համար հայցով դատարան էր դիմել Պոլսի Հայոց պատրիարքարանը, կառուցվել է 1881 թվականին Էրզրումցի հայ վաճառական Մկրտիչ Սանսարյանի կողմից: Ստամբուլում հիմնադրված այս շենքը նպատակ է ունեցել Իզմիրում բացված նույնանուն դպրոցի համար եկամուտ ապահովել: Շենքի կառավարման իրավունքը հանձնվել է Սանասարյան հիմնադրամին, իսկ հիմնադրամի ղեկավարումը` Պոլսո Հայոց պատրիարքին: Հանրապետական Թուրքիայի կողմից շենքի բռնազավթումից հետո այն օգտագործվել է որպես Ստամբուլի ոստիկանության շենք, այնուհետև այստեղ է կենտրոնացել տնտեսական դատարանը:

Ermenihaber.am

Այս ենթաբաժնի վերջին նորությունները

11:50, 11 սեպ

Թուրքիայում 10 խոշոր ձեռնարկատեր կձերբակալվի

Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։