Ադրբեջանում տրվել է «Թուրանական բանակ» նախագծի մեկնարկը

Տարածաշրջան10:07, 06 Օգոստոս 2013

Ադրբեջանում տրվել է «Թուրանական բանակ» նախագծի մեկնարկը

Ադրբեջանում թյուրքական 4 պետությունների մասնակցությամբ «Թուրանական բանակ» ռազմական կառույցի ստեղծման առաջին փուլի մեկնարկն է տրվել: «Թուրանական բանակը» լինելու է ՆԱՏՕ-ի նման կառույց: Նշվում է, որ այդ բանակի հիմնումն ուղղված է թյուրքական պետություններին սպառնացող արտաքին ուժերի դեմ և անհրաժեշտության դեպքում բոլոր հնարավորությունները կօգտագործվեն, համապատսխան ուժ կկիրառվի: Միևնույն ժամանակ նշվում է, որ բանակը կոչված է մահմեդական երկրների բնակչության անվտանգության և աշխարհում խաղաղության պահպանման համար:

«Թուրանական բանակ» ծրագրի շրջանակներում նախատեսվում է մի շարք ոլորտներում, մասնավորապես զենքի արտադրության, հակահրթիռային պաշտպանիչ ծածկույթի, հեռահար հրթիռների, ռազմական ինքնաթիռների և նավերի, ուղղաթիռների և անօդաչու ռազմական թռչող սարքերի արտադրության ոլորտներում անդամ երկրների ամբողջ ուժերի միավորում: Ծրագրի առաջին փուլին մասնակցում են Թուրքիան, Ադրբեջանը, Ղրղզստանը և Մոնղոլիան:

«Թուրանական բանակ» կառույցի առաջին նախագահությունը հանձնվել է անդամ երկրներից ամենահզոր բանակ ունեցող Թուրքիային: Թուրքիան կառույցը կղեկավարի մինչև 2014 թվականի վերջը: «Թուրանական բանակի» թիվը կլինի ավելի քան 2.8 միլիոն: Բանակի գլխավոր շտաբը տեղակայված է լինելու Անկարայում, իսկ խորհրդանշական տարբերանշանը լինելու է ձիու պատկերը:

Ըստ թուրքական «Ինտերնետաժանս» կայքի՝ նման ռազմական կառույցի ստեղծումը լուրջ արձագանք է ստացել մի շարք երկրներում: Նույն աղբյուրն ընդգծում է, որ աշխարհում 7 թյուրքական հանրապետություն և 50-ից ավելի փոքր պետություններ ու նահանգներ կան: Եվ միայն 7 հանրապետությունների միավորումը կհանգեցնի աշխարհի ամենահզոր բանակի ստեղծմանը:

Ermenihaber.am

Այս ենթաբաժնի վերջին նորությունները

11:06, 15 սեպ

Հենց ՀՀ-ի և Ադրբեջանի միջև վերջնական համաձայնագիրը ստորագրվի, մենք կկարգավորենք հարաբերությունները ՀՀ-ի հետ

Թուրքիայի արտգործնախարարն անդրադարձել է Հայաստանի ու Ադրբեջանի միջև կնքվելիք համաձայնագրի ժամկետներին։

12:53, 12 սեպ

Ֆիդան․ Կատարի դեմ հարձակումը պետք է սթափեցնի Նեթանյահուին հանդուրժողներին

Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը: