Օրհան Փամուք. «Էրդողանը 1930-ականների առաջնորդների պես է գործում»

Տարածաշրջան10:22, 31 Հուլիս 2013

Օրհան Փամուք. «Էրդողանը 1930-ականների առաջնորդների պես է գործում»

«The New Republic» ամսագիրը հրապարակել է թուրք հայտնի գրող, նոբելյան մրդանակակիր Օրհան Փամուքի հետ հարցազրույցը: Փամուքը հարցազրույցի ընթացքում անդրադարձել է բազմաթիվ հարցերի, այդ թվում Ստամբուլի Գեզի զբոսայգու պահպանության համար պայքարից սկսված բողոքների ակցիաներին:
«Արդյոք կարծո՞ւմ եք, որ միլիոնավոր մարդկանց ցույցերի մասնակցությունը կարող է պատճառ դառնալ քաղաքական իսլամի պահպանողական ճյուղերի ուժեղացման համար» հարցին ի պատասխան Փամուքն ասել է. «Թաքսիմի և Գեզի զբոսայգու դեպքերի հետ կապված մի բան ակնհայտ է. Մի երկիր, երբ հարստանում է, ուժեղանում է նաև անհատականության զգացումը: Այդ երկիրը հին մեթոդներով հնարավոր չէ կառավարել: Եթե անգամ մեդիա ոլորտը վերահսկեք, ինչպես Էրդողանն է անում, միևնույն է, անհատները փողոց դուրս կգան և զբոսայգիներում կըմբոստանան: Այդ ցույցերը կազմակերպված չէին: Քաղաքական կուսակցությունները չկարողացան այն գլխավորել: Այստեղ խնդիրը Էրդողանի հին ոճն է: Էրդողանը 1930-ական թվականների առաջնորդի նման չպիտի գործեր: Էրդողանը ամեն ինչ անում է, ամեն ինչ կառավարում է և ասում է. «Ես 50 տոկոս ձայն ունեմ, փակե´ք ձեր բերանները»: Այո´, 50 տոկոս ձայն ունեք, սակայն Ձեր առջև 72 միլիոն մարդ կա, որոնք բոլորովին նման չեն Ձեզ»:
Փամուքը նաև նշել է, որ իրեն շատ է ուրախացրել այն հանգամանքը, որ անհատականությունները կարող են քաղաքական կուսակցություններից չլինել, սակայն փողոց դուրս գալով` իրենց ազդեցիկ «ոչը» ասել:

Ermenihaber.am

Այս ենթաբաժնի վերջին նորությունները

11:06, 15 սեպ

Հենց ՀՀ-ի և Ադրբեջանի միջև վերջնական համաձայնագիրը ստորագրվի, մենք կկարգավորենք հարաբերությունները ՀՀ-ի հետ

Թուրքիայի արտգործնախարարն անդրադարձել է Հայաստանի ու Ադրբեջանի միջև կնքվելիք համաձայնագրի ժամկետներին։

12:53, 12 սեպ

Ֆիդան․ Կատարի դեմ հարձակումը պետք է սթափեցնի Նեթանյահուին հանդուրժողներին

Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը: