Թուրք հոդվածագիր. «Ի՞նչ ենք անում մենք 2015թ.-ին ընդառաջ»

Քաղաքական09:30, 26 Հուլիս 2013

Թուրք հոդվածագիր. «Ի՞նչ ենք անում մենք 2015թ.-ին ընդառաջ»

Թուրքական «Թաքվիմ» թերթի հոդվածագիր Մեհմեթ Չեթինգյուլեչը իր «Ի՞նչ ենք անում մենք 2015թ ընդառաջ» վերտառությամբ հոդվածում անդրադարձել է հայ-թուրքական հարաբերություններին և այն հարցին, թե ինչպես են 2 երկրները պատրաստվում ցեղասպանության հարյուրամյակին:

Ստորև ներկայացնում ենք Չեթինգյուլեչի հոդվածը.

«Թուրքիայի և Հայաստանի միջև մոտ 5 տարի առաջ սկսված ֆուտբոլային դիվանագիտությամբ լարվածության մեղմացման մի նոր փուլ սկսվեց: Հայաստանի և Թուրքիայի նախագահները միասին ֆուտբոլ դիտեցին, երկու երկրների միջև արձանագրություններ ստորագրվեցին, սակայն շարունակություն չեղավ:

Նախագահ Աբդուլլահ Գյուլը 2015թ., ցեղասպանության պնդումների 100-ամյակին ընդառաջ, այն պարագայում, երբ այս թեման ամբողջ աշխարհի ուշադրության կենտրոնում է, ջանում էր հավանական տհաճ զարգացումները կանխել:

Միայն թե Հայաստանի հետ լուրջ խնդիրներ ունեցող մեր ադրբեջանցի եղբայները Թուրքիայի պահվածքին շատ կոշտ արձագանքեցին: Ծայրահեղ ազգայնական հայերը և սփյուռքահայերը նույնպես անհանգստացած էին այս մերձեցմամբ:

Այսպիսով հայ-թուրքական հարաբերությունների առկախումը գոհացրեց և պահպանողական հայերին, և ադրբեջանցիներին:

Հիմա սպասում ենք Հայաստանի 2015 թվականի գրոհին: Տեսնեք, թե երբ Թուրքիային պատին սեղմեն, մեր ադրբեջանցի եղբայները ինչպես կօգնեն:

Թուրքիան Հայաստանի հետ մերձենալիս Ադրբեջանը օրակարգ է բերում Լեռնային Ղարաբաղի հարցը որպես պայման էր դնում:

Լավ, ինչպե՞ս ենք մենք պատրաստվում հայերի` 100-ամյակի հետ կապված ծրագրին:

Հայերը պատրաստվում են աշխարհին ոտքի հանել: Իսկ մենք ի՞նչ ենք անում. Միայն հայերի կողմից սպանված թուրքերի հիշատակին հուշարձաններ կառուցելով կարո՞ղ են աշխարհին համոզել: Արդյո՞ք անհրաժեշտ չէ ավելի ակտիվ լինել. կոնֆերանսներ, ժողովներ կազմակերպել, ֆիլմեր ցուցադրել: Պետք է ավելի ակտիվ լինեն նաև պատմաբանները»:

Ermenihaber.am

Այս ենթաբաժնի վերջին նորությունները

14:59, 22 օգոս

Թուրքիայում իշխող կուսակցությունն իր դիրքերը զիջում է ընդդիմադիր ուժին

Թուրքական «ORC Araştırma» հետազոտական ընկերությունը հրապարակել է սոցհարցման արդյունքները։

14:25, 22 օգոս

Գազայում բնակվող բժիշկն Էրդողանին մեղադրել է իրենց մոլորեցնելու մեջ

Ըստ Սահր Համադի՝ առկա իրավիճակը ծանր հարված է հասցնում Էրդողանի քաղաքական համբավին։

11:34, 22 օգոս

Middle East Eye. «Թուրքիան պատրաստակամ է խաղաղապահ ուժեր տեղակայել Ուկրաինայում»

Թրամփն ընդգծում է, որ ԱՄՆ-ն կաջակցի Ուկրաինայի անվտանգությանը, սակայն ամերիկացի զինվորներ չեն ուղարկվի․ գործընթացում առաջատար դերը պետք է ստանձնեն եվրոպական երկրները։