Սևակ Բալըքչըին սպանողը դատի է տվել այդ մասին հոդված գրած լրագրողին

Իրավական15:39, 24 Հուլիս 2013

Սևակ Բալըքչըին սպանողը դատի է տվել այդ մասին հոդված գրած լրագրողին

Թուրքական «T24» էլեկտրոնային լրատվականի հաղորդմամբ` 2011 թվականի ապրիլի 24-ին Թուրքիայում պարտադիր ծառայության մեջ գտնվող հայազգի շարքային զինծառայող Սևակ Բալըքչըին սպանած ծառայակից Քըվանչ Աղաօղլուն դատի է տվել սպանության մասին հոդված հրապարակած լրագրող Ջևաթ Սինեթին:

Հունիսի 15-ին հրապարակված իր հոդվածում Ջևաթ Սինեթը գրել էր. «Սպանության կասկածյալը նույնիսկ ծխախոտ ծխելիս իրեն հոգեկան հիվանդի պես էր պահում. նորմալ մարդու պես չէր դրսևորում» : Նմանատիպ արտահայտությունների ու հոդվածագրի կողմից ներկայացված սպանության որոշ մանրամասների համար Աղաօղլուի փաստաբանները դատի են տվել վերջինիս` մեղադրելով Աղաօղլուի ինքնասիրությունն ու պատիվ վիրավորելու մեջ:

Ջևաթ Սինեթը թեմայի վերաբերյալ պարզաբանումներ է տվել` մասնավորապես ասելով.

«Քըվանչ Աղաօղլուի փաստաբանները արդեն մի քանի անգամ իմ դեմ հայց են ներկայացնում և ամեն անգամ ժամերով ձերբակալված մնալուց հետո ոստիկանությունը ուժով դատարան է տանում: Ինչու՞մն է իմ մեղքը: Իմ մեղքը հանցագործություն կատարածներին, մարդասպաններին մարդասպան անվանելն է: Դրա համար պահանջում են ինձ 5 տարով զրկել լրագրողական գործունեությունից, և դատական պատասխանատվության ու ֆինանսական տույժի ենթարկել:

Հավելենք նաև, որ համացանցում, ի պաշտպանություն լրագրողի, ստորագրահավաք է սկսվել:

Հիշեցնենք, որ Բաթման նահանգի Քոզլուքի շրջանում տեղակայված ժանդարմերիական զորամասում 2011-ի ապրիլի 24-ին պոլսահայ Սևակ Շահինին հրազենից արձակված կրակոցով սպանել էր ծառայակից Քվանչ Աղաօղլուն: Պաշտոնական վարկածի համաձայն`սպանությունը տեղի է ունեցել ծառայակից ընկերոջ հետ կատակ անելու ժամանակ, իբր պատահաբար արձակված կրակոցից:

Ermenihaber.am

Այս ենթաբաժնի վերջին նորությունները

11:50, 11 սեպ

Թուրքիայում 10 խոշոր ձեռնարկատեր կձերբակալվի

Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։