Քրդական համայնքների միություն. «Վերջին անգամ ենք զգուշացնում»

Տարածաշրջան11:54, 19 Հուլիս 2013

Քրդական համայնքների միություն. «Վերջին անգամ ենք զգուշացնում»

Թուրք-քրդական հաշտեցման գործընթացի վերաբերյալ մեկնաբանությամբ է հանդես եկել «Քրդական համայնքների միության» (ՔՀՄ-KCK) գերագույն խորհրդի համանախագահությունը: Կառույցը իր մեկնաբանության մեջ խիստ քննադատության է ենթարկել Թուրքիայի կառավարության գործողությունները: «Քրդական համայնքների միությունը» թուրքական իշխանություններին մեղադրել է «Քուրդիստանի բանվորական կուսակցության» (ՔԲԿ-PKK) առաջնորդ Աբդուլլահ Օջալանի առողջական վիճակի բուժզննության համար Իմրալը կղզի պատվիրակություն չուղարկելու, «Խաղաղություն և ժողովրդավարություն կուսակցության» (ԽԺԿ-BDP) պատվիրակության 15-օրյա բանակցությունը ձգձգելու, և Սիրիայի «Ժողովրդավարական միություն կուսակցության» հետ մերձեցման մեջ:

Թուրքական «Ֆըրաթ» լրատվական գործակալությունը հրապարակել է «Քրդական համայնքների միության» գերագույն խորհրդի կողմից արված հայտարարությունը:

Հայտարարության մեջ մասնավորապես ասվում է. ««Քուրդիստանի բանվորական կուսակցության» (ՔԲԿ-PKK) առաջնորդ Աբդուլլահ Օջալանի կողմից նախաձեռնված ժողովրդավարական հաշտցման և խաղաղության հաստատման ծրագիրը ճգաժամային կետի է հասել: Այս մասին քուրդ ազգին և հասարակությանը մեկ անգամ ևս տեղեկացնելը ահրաժեշտ ենք համարում: Երկու շաբաթ առաջ լուրեր տարածվեցին, որ Օջալանի առողջական վիճակը վատթարացել է: Եվ այդ առումով անհրաժեշտ է հստակ քայլեր ձեռնարկել. քուրդ ազգին և մեր բարեկամներին կոչ ենք անում զգոն լինել: Մյուս կողմից քրդաբնակ հատվածում ոստիկանության պահակակետերի և պատնեշների կառուցումը, պաշտպանողական քաղաքականությունը, օդային հետախուզական աշխատանքները ամբողջ թափով ընթանում են: Այն փաստը, որ Օջալանի առողջական վիճակի վերաբերյալ քայլեր չեն ձեռնարկվում, «Խաղաղություն և ժողովրդավարություն կուսակցության» պատվիրակության 15-օրյա բանակցությունները ձգձգվում են, վկայում են այն մասին, որ Թուրքիայի իշխող «Արդարություն և զարգացում կուսակցությունը» փորձում է խաղաղության հաստատման գործընթացը ձախողել:

«Մեր շարժումը վերջին անգամ է զգուշացում «Արդարություն և զարգացում կուսակցությանը»: Քուրդ ազգի և հասարակության կողմից բարձրաձայնված վերոնշյալ խնդիրների լուծման համար ամենասեղմ ժամկետներում քայլեր չձեռնարկվելու դեպքում ծրագրի հետագա ընթացքը կդադարեցվի: Ցանկանում ենք տեղյակ պահել, որ ծրագրի դադարեցման հիմնական պատասխանատուն կլինի «Արդարություն և զարգացում կուսակցությունը»»:

Ermenihaber.am

Այս ենթաբաժնի վերջին նորությունները

11:06, 15 սեպ

Հենց ՀՀ-ի և Ադրբեջանի միջև վերջնական համաձայնագիրը ստորագրվի, մենք կկարգավորենք հարաբերությունները ՀՀ-ի հետ

Թուրքիայի արտգործնախարարն անդրադարձել է Հայաստանի ու Ադրբեջանի միջև կնքվելիք համաձայնագրի ժամկետներին։

12:53, 12 սեպ

Ֆիդան․ Կատարի դեմ հարձակումը պետք է սթափեցնի Նեթանյահուին հանդուրժողներին

Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը: