Դավութօղլու. Թուրքիայի հողերից մի քար անգամ վերցնել ցանկացողները պետք է իրենց չափ ու սահմանն իմանան

Քաղաքական12:12, 17 Հուլիս 2013

Դավութօղլու. Թուրքիայի հողերից մի քար անգամ վերցնել ցանկացողները պետք է իրենց չափ ու սահմանն իմանան

«Ադրբեջանում գտնվող Թուրքիայի արտաքին գործերի նախարար Ահմեթ Դավութօղլուն անդրադարձել է որոշ հայ պաշտոնյաների կողմից Թուրքիային ուղղված հողային պահանջի մասին պնդումներին» ,-գրում է թուրքական «CNN-Turk»,-ը:

«Թուրքիայի հողերից մի քար անգամ վերցնել ցանկացողները պետք է իրենց չափերն իմանան: Ոչ ոք նույնիսկ մտքի ծայրով չպետք է նման բան անցկացնի:
Այս թեմայով արված հայտարարությունները զառանցանք են: Կովկասում խաղաղության ապահովման համար ամեն մարդ պետք է իր չափ ու սահմանն իմանա: Այս դեպքում բոլորը կշահեն, իսկ հակառակ դեպքում` այդ արտահայտությունը օգտագործեղները կկորցնեն: Բոլորին կոչ եմ անում ողջամիտ լինել: Թուրքիայի և Ադրբեջանի տարածքային ամբողջականությունը մեզ համար ամենակարևորն է»-ասել է Դավութօղլուն:

Նշվում է, որ 2-օրյա պաշտոնական այցով Ադրբեջանում գտնվող Ահմեթ Դավութօղլուն հանդիպումներ կունենա Ադրբեջանի նախագահի, արտաքին գործերի նախարարի և վարչապետի հետ: Կքննարկվեն թուրք-ադրբեջանական հարաբերություններին, ինչպես նաև տարածաշրջանային ու միջազգային զարգացումներին վերաբերող հարցեր:

Հիշեցնենք, որ օրերս Հայոց ցեղասպանության 100-րդ տարելիցին ընդառաջ ՀՀ Սփյուռքի նախարարության նախաձեռնությամբ կազմակերպված իրավաբանների համաժողովում ՀՀ գլխավոր դատախազ Աղվան Հովսեփյանը իր ելույթում նշել էր, որ հայ եկեղեցուն պետք է վերադարձվեն Թուրքիայի տարածքում հրաշքով կանգուն մնացած եկեղեցիները և եկեղեցապատկան հողերը, Հայաստանի Հանրապետությունն էլ պետք է ստանա իր կորցրած տարածքները:

Ermenihaber.am

Այս ենթաբաժնի վերջին նորությունները

14:59, 22 օգոս

Թուրքիայում իշխող կուսակցությունն իր դիրքերը զիջում է ընդդիմադիր ուժին

Թուրքական «ORC Araştırma» հետազոտական ընկերությունը հրապարակել է սոցհարցման արդյունքները։

14:25, 22 օգոս

Գազայում բնակվող բժիշկն Էրդողանին մեղադրել է իրենց մոլորեցնելու մեջ

Ըստ Սահր Համադի՝ առկա իրավիճակը ծանր հարված է հասցնում Էրդողանի քաղաքական համբավին։

11:34, 22 օգոս

Middle East Eye. «Թուրքիան պատրաստակամ է խաղաղապահ ուժեր տեղակայել Ուկրաինայում»

Թրամփն ընդգծում է, որ ԱՄՆ-ն կաջակցի Ուկրաինայի անվտանգությանը, սակայն ամերիկացի զինվորներ չեն ուղարկվի․ գործընթացում առաջատար դերը պետք է ստանձնեն եվրոպական երկրները։