Տարածաշրջան09:53, 16 Հուլիս 2013
Օջալանի եղբայր. «Եղբորս առաջին անգամ այդպես կոտրված, նյարդային ու հյուծված տեսա»
«Ժողովրդավարական
հասարակություն կոնգրեսի» առողջապահության բաժինը այցելել է «Քուրդիստանի
բանվորական կուսակցության» առաջնորդ Աբդուլլահ Օջալանի եղբորը` Մեհմեթ Օջալանին: Այս մասին տեղեկացնում է թուրքական «Հաբեր ա» լրատվական կայքը:
Ուրֆայի Օմերլի գյուղում ապրող Մեհմեթը պատասխանել է եղբոր առողջական վիճակի
վերաբերյալ իրեն այցլած պատվիրակության հարցերին:
Մեհմեթը տեղեկացրել է, որ վերջին այցելության ժամանակ եղբայրը նյարդային, հյուծված
տեսք է ունեցել:
Մեհմեթ Օջալանի հետ հանդիպած պատվիրակության անունից հանդես է եկել «Թուրք բժիշկների միության» Դիրաբեքիրի մասնաճյուղի նախագահ Քեմալ Քարդաշը, որի հաղորդմամբ` 64-ամյա Աբդուլլահ Օջալանի մոտ նկատվող սովորական վիճակ է, որ հանդիպում է որոշ հիվանդությունների ժամանակ: Քարդաշի կարծիքով` Օջալանը առողջության համար ստիպված է հիվանդանոցում բուժզննում անցնել:
«64 տարեկան յուրաքանչյուր մարդու մոտ կարող է շաքարախտ, ճնշման տատանումներ, շագանակագեղձի բորբոքում, սրտի անբավարարություն ի հայտ գալ: Իմրալիում կատարված սովորական զննումները բավարար չեն: 14 տարի է, ինչ բարձր խոնավություն ունեցող կղզում է պահվում: Պետք է բոլոր անհրաժեշտ զննումները կատարվեն հիվանդանոցում: Այս իսկ պատճառով պետք է այդ կղզուց նրան հանել և հիվանդանոց տանել»,-հայտարարել է Քարդաշը` նշելով, որ իրավական տեսանկյունից էլ Օջալանի այս վիճակը մարդու իրավունքների խախտում է: Ըստ նրա` 14 տարի ազատազրկման դատապարտված և հիվանդանոցի երես չտեսած որևէ այլ կալանավոր չկա:
Հիշեցնենք, որ Թուրքիայում քրդական գործընթացի սկսվելուց հետո հաճախակիացել են Օջալանին ազատելու մասին լուրերն ու կոչերը:
Վերջերս «Ազգայնական շաժում» կուսակցության պատգամավոր Օզջան Յենիչերին ուշագրավ հայտարարություն է արել` նշելով, որ կառավարությունը Օջալանին ազատ արձակելու համար բանաձևերի փնտրտուքների մեջ է: Ըստ նրա` դիտարկվում են այնպիսի տարբերակներ, ինչպիսիք են` Օջալանի առևանգումը, նոր դատավարության բացումը և առողջական խնդիրների դեպքում տրվող հնարավորությունները: Ամենահավանականը համարելով առողջական խնդիրների փաստարկով ազատ արձակվելու տարբերակը` Յենիչերին Օջալանին խորհուրդ է տվել մնալ բանտում, քանի որ ոչ ոք չի կարող երաշխավորել նրա անվտանգությունը:
Ermenihaber.am
Այս ենթաբաժնի վերջին նորությունները
Անթալիայի օդանավակայանը կարող է տարեկան սպասարկել շուրջ 82 մլն ուղևորի։
Ֆիդան․«Ինչպես «Իսլամական պետություն» ահաբեկչական կազմակերպությունըդուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության մեջ, կա՛մ այլ կերպ»։
«AFAD»-ի հայտարարության համաձայն՝ հետցնցումները կանխատեսվել է, որ կմեղմանան և կավարտվեն առաջիկա մի քանի շաբաթների ընթացքում։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Էրդողան-Միցոտակիս հանդիպումից առաջ նախատեսված է նաև Հունաստանի արտաքին գործերի նախարար Յորգոս Գերապետրիտիսի այցը Թուրքիա։
Ստուգումներն իրականացվել են մի շարք հասարակական վայրերում և ստուգվել է 420.269 անձի ինքնությունը։
Միջոցառումները վերաբերում են էներգետիկ ոլորտին։
Նշվում է, որ փառատոնը կտևի մինչև մայիսի 4-ը։
Այս մասին հայտարարել է Աննա Ռադվանը Թուրքիայում ԵՄ պատվիրակության և Անկարայում Լեհաստանի դեսպանատան կողմից Վարշավայում րատվամիջոցների համար կազմակերպված շրջայցի ժամանակ։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |