Քուրդ գործիչը սպառնում է դադարեցնել թուրք-քրդական հաշտեցման գործընթացը

Տարածաշրջան13:30, 11 Հուլիս 2013

Քուրդ գործիչը սպառնում է դադարեցնել թուրք-քրդական հաշտեցման գործընթացը

«Քուրդիստանի համայնքների միության» համակարգում տեղի ունեցած փոփոխություններից հետո 6 անձից բաղկացած ղեկավար խորհուրդ է կազմվել: Ղեկավար խորհուրդի անդամ Մուրադ Քարայըլանը քրդական խնդրի խաղաղության հաստատման գործընթացում առաջիկա շաբաթը կարևոր է համարել:

Ըստ նրա՝ եթե Թուրքիայի ներկայիս վերաբերմունքը շարունակվի, ապա գործընթացի հետագա ընթացքը կարող է փակուղու առաջ կանգնել: Նա մասնավորապես ասել է, որ դեռ գործըթացը փակուղում չէ, սակայն ամեն ինչ տանում է դրան: «Ֆըրաթ» լրատվական գործակալությանը տված հարցազրույցում Մուրադ Քարայըլանը տեղեկացրել է, որ «Քոնգրա-Գել» ժողովի ժամանակ խաղաղության հաստատման գործընթացի հետ առնչվող կարևոր որոշումներ են ընդունվել:

Նա մասնավորապես ասել է. «Ժողովի ընթացքում «Քոնգրա-Գելի» ղեկավար խորհրդին խաղաղության հաստատման գործընթացին հետևելու նախաձեռնություն է ընձեռնվել: Ակնթարթային զարգացումները մեկնաբանելու և ըստ այդմ որոշումներ ընդունելու լիզորություն է տրվել: Օրինակի համար եթե որևէ քայլ չկատարվի, խաղաղության հաստատման գործընթացի շարունակման կամ դադարեցման որոշում կարող է ընդունվել»:

Այս խոսքերին ի հավելում Մուրադ Քարայըլանը նշեց, որ չեզոք բժիշկներից կազմված մի խումբ պետք այցելի Իմրալը կղզի և Աբդուլահ Օջալանի առողջական վիճակը բուժզննության ենթարկի: Մուրադ Քարայըլանը նշել է, որ Աբդուլահ Օջալանի կարգավիճակի հետ կապված առաջիկա օրերին փոփոխություններ եթե չմտցվեն, ապա խաղաղության հաստատման գործըթացը կդադարեցվի: Ըստ նրա՝ ներկայումս բացի Աբդուլահ Օջալանից թուրքական բանտերը լի են քուրդ քաղաքական բանտարկյալներով, որը էլ ավելի է բարդացնում ստեղծված իրավիճակը:

Ermenihaber.am

Այս ենթաբաժնի վերջին նորությունները

11:06, 15 սեպ

Հենց ՀՀ-ի և Ադրբեջանի միջև վերջնական համաձայնագիրը ստորագրվի, մենք կկարգավորենք հարաբերությունները ՀՀ-ի հետ

Թուրքիայի արտգործնախարարն անդրադարձել է Հայաստանի ու Ադրբեջանի միջև կնքվելիք համաձայնագրի ժամկետներին։

12:53, 12 սեպ

Ֆիդան․ Կատարի դեմ հարձակումը պետք է սթափեցնի Նեթանյահուին հանդուրժողներին

Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը: