Ստամբուլի սրտում գտնվող հայկական շենքը ցանկանում են հյուրանոց դարձնել

Իրավական10:01, 10 Հուլիս 2013

Ստամբուլի սրտում գտնվող հայկական շենքը ցանկանում են հյուրանոց դարձնել

Թուրքական «ՍԻ Էն Էն թուրքը» հատուկ տեսանյութ է պատրաստել «Սանսարյանի տան» շուրջ ծավալվող դատական գործնթացի մասին:

Լրատվականի լրագրողը նշում է, որ «Սանսարյանի տունը» գտնվում է Ստամբուլի ամենակենտրոնական վայրում, կառույցն էլ է շատ արժեքավոր: Հայոց պատրիարքարանը պատմական շենքը, որը 70 տարի է, ինչ պետության կողմից է շահագործվում, հետ է պահանջում, որի համար դիմել էր դատարան: Դատարանի հանձման որոշումը էր կայացրել, սակայն հիմնադրամների գլխավոր տնօրինությունը որոշումը սխալ է համարում :

Հիմնադրամների գլխավոր տնօրինության ներկայացուցիչը նշում է, որ ունեցվածքը գրանցված է Սանսարյան հիմնադրամի անունով գրանցված: «Այս առնչությամբ որևէ բողոք չկա: Ունեցվածքի նկատամբ որևէ բողոք չունենալով հանդերձ, մենք հայտարարել էինք, որ դատարանի որոշումը սխալ է, քանի որ միակ բանը, որի համար պետք է բողոք ներկայացնել, ղեկավարման կարգն է:

Միակ բանը որ պետք է անել, դա այստեղի ղեկավարությունը պատրիարքարանին անցնելու համար դատական գործ բացելն է : Քանի դեռ այդպիսի դատական հայց չի ներկայացվել, չեմ կարծում, որ նրանց նպատակները բարի են»:

Պատրիարքարանը հունիսին 2-րդ անգամ դատարան է դիմել, որը դեռ ընթացքի մեջ է: Այս անգամ այն վարձակալության չտալու համար: Հիմնադրամների գլխավոր տնօրինության հայտարարության համաձայն` շենքը 20 տարի ժամկետով վարձակալության է տրվելու հյուրանոցի: Սակայն, դատարանը կրկին նույն որոշումը կայացնելու դեպքում աճուրդը չեղյալ կհայտարարվի:

Նշենք, որ «Սանսարյանի տուն» անվանումով այս շենքը, որը հայ համայնքին վերադարձնելու համար հայցով դատարան էր դիմել Պոլսի Հայոց պատրիարքարանը, կառուցվել է 1881 թվականին Էրզրումցի հայ վաճառական Մկրտիչ Սանսարյանի կողմից: Ստամբուլում հիմնադրված այս շենքը նպատակ է ունեցել Իզմիրում բացված նույնանուն դպրոցի համար եկամուտ ապահովել: Շենքի կառավարման իրավունքը հանձնվել է Սանասարյան հիմնադրամին, իսկ հիմնադրամի ղեկավարումը` Պոլսո Հայոց պատրիարքին: Հանրապետական Թուրքիայի կողմից շենքի բռնազավթումից հետո այն օգտագործվել է որպես Ստամբուլի ոստիկանության շենք, այնուհետև այստեղ է կենտրոնացել տնտեսական դատարանը:

Ermenihaber.am

Այս ենթաբաժնի վերջին նորությունները

11:50, 11 սեպ

Թուրքիայում 10 խոշոր ձեռնարկատեր կձերբակալվի

Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։