Զորանոցի տարհանումից հետո Վանում վերաբացվել է Սբ. Բարդուղեմիոս եկեղեցին

Տարածաշրջան15:40, 10 Հուլիս 2013

Զորանոցի տարհանումից հետո Վանում վերաբացվել է Սբ. Բարդուղեմիոս եկեղեցին

Թուրքիայի կառավարության և Քուրդ զինյալների միջև սկսված հաշտության գործընթացի շրջանակներում Վանի Բաշքալե շրջանի Ալբայրաք գյուղից դուրս է բերվել դեռևս 31 տարի առաջ այնտեղ տեղակայված թուրքական զինված ուժերի հրամանատարության տակ գտնվող 3-րդ սահմանային գումարտակի անձնակազմը: Մինչ գումարտակի դուրսբերումը ռազմական գոտի համարվող շրջանում գտնվող, մոտ 1700 տարի առաջ հիմնադրված Սբ. Բարդուղեմիոս եկեղեցու դռները փակ են եղել այցելուների համար: Թուրքական «Հաբերլեր» էլեկտրոնային լրատվականի հաղորդմամբ` զինվորներ դուրս գալուց հետո եկեղեցու դռները կրկին բացվել են այցելուների համար:

Շրջանի մշակույթի և զբոսաշրջության վարչության ղեկավար Մուզաֆֆեր Աքթուղը լրատվականին տված պարզաբանումներում նշել է, որ եկեղեցին երկար ժամանակ անխնամ մնալու պատճառով փլուզման եզրին է գտնվում:

Շարունակելով միտքը` Աքթուղն ասել է, որ Գեոդեզիայի և հուշարձանների Վանի շրջանային վարչության կողմից եկեղեցու վերականգնման աշխատանքների ավարտից հետո այն կարևոր տուրիստական կենտրոն կդառնա:

Ermenihaber.am

Այս ենթաբաժնի վերջին նորությունները

11:06, 15 սեպ

Հենց ՀՀ-ի և Ադրբեջանի միջև վերջնական համաձայնագիրը ստորագրվի, մենք կկարգավորենք հարաբերությունները ՀՀ-ի հետ

Թուրքիայի արտգործնախարարն անդրադարձել է Հայաստանի ու Ադրբեջանի միջև կնքվելիք համաձայնագրի ժամկետներին։

12:53, 12 սեպ

Ֆիդան․ Կատարի դեմ հարձակումը պետք է սթափեցնի Նեթանյահուին հանդուրժողներին

Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը: