Շվեդ լրագրողուհին պատրաստվում է դատի տալ Թուրքիային

Իրավական17:41, 04 Հուլիս 2013

Շվեդ լրագրողուհին պատրաստվում է դատի տալ Թուրքիային

Թուրքական «Բիանեթ» լրատվականի հաղորդմամաբ` շվեդ լրագրող Սառա Օլսսոն, ով Ստամբուլի Թաքսիմ հրապարակում ընթացող ցույցերը լուսաբանելու ժամանակ ձերբակալվել էր և տարհանվել երկրից, պատրաստվում է Թուրքիայի նկատմամբ դատական գործընթաց սկսել:

Շվեդական «Expressen» հեռուստաալիքին տված հարցազրույցի ժամանակ լրագրողը նշել է, որ Թուրքիան սահմանափակել է իր ազատությունները, և ինքը դատական կարգով հետամուտ է լինելու իր իրավունքների վերականգնմանը: Լրագրողը պատմել է, որ գտնեվելով Թաքսիմում, ցուցարարներին տեսնելուն պես, որպես լրագրող, սկսել է լուսանկարել նրանց: Երբ ոստիկանությունը միջամտել է ցույցի ընթացքին իրեն էլ մնացածների հետ միասին ձերբակալել են ու տեղափոխել նախնական մեկուսարան: Այնտեղ իրեն 3 օր պահելուց հետո նրա նկատմամբ երկրից արտաքսելու որոշում է կայացվել:

Լրագրողը հաղորդելով, որ մեկ տարով արգելվել է իրեն Թուրքիա մուտք գործել, ասել է, որ չնայած այդ հանգամանքին նորից վերադառնալու է Ստամբուլ:

Օլսսօնի փաստաբանն էլ հաղորդել է, որ լրագրողին ձերբակալել էին վարչապետ Էրդողանի հասցեին վիրավորական արտահայտություններ անելու մեղադրանքով, սակայն նրան թուրքերեն չիմանալու պատճառով ազատ են արձակել: Փաստաբանը նաև ասել է, որ կալանքի ընթացքում խախտվել են նաև Օլսսոնի զուգարանից օգտվելու և ջուր խմելու իրավունքները, տեղեկացրել է, որ իրենք Թուրքիայի դեմ հայցով դիմելու են Մարդու իրավունքների Եվրոպական դատարան:

Ermenihaber.am

Այս ենթաբաժնի վերջին նորությունները

11:50, 11 սեպ

Թուրքիայում 10 խոշոր ձեռնարկատեր կձերբակալվի

Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։