Հասարակական08:11, 04 Հուլիս 2013
Թուրքիայում կրկին պահանջում են անվանափոխել Սաբիհա Գյոքչենի անվան օդանավակայանը
Թուրքիայում քրդական «Խաղաղություն և ժողովրդավարություն» կուսակցության (ԽԺԿ- BDP) պատգամավոր Ալթան Թանը Թուրքիայի ազգային մեծ ժողով (ԹԱՄԺ-TBMM) օրենքի նախագիծ է ներկայացրել, որով առաջարկում է Սաբիհա Գյոքչենի անունը կրող օդանավակայանը անվանափոխել: Առաջարկում է այն անվանել 13-րդ դարի բանաստեղծ Հաջը Բեքթաշի Վալիի անունով:
Թուրքական «Սի Էն Էն թուրքի» հաղորդմամբ` Ալթան Թանը մեջլիսում տեղի ունեցած մամուլի ասուլիսի ժամանակ գովել է ալևիներին` նշելով որ Ստամբուլի 3-րդ կամուրջը Սելիմ Ահեղի անունով կոչելու համար իրենց բողոքը իրավացի է: Իսկ ահա երկրորդ օդանավակայանի անվան համար նույն կերպ չարձագանքելու համար քննադատել է: Թանը նշել է, որ Սաբիհա Գյոքչենը Դերսիմի ջարդերի գլխավոր պատասխանատուներից մեկն է:
Նշենք, որ Աթաթուրքի հայ հոգեզավակը` Սաբիհա Գյոքչենը, Թուրքիայի ռազմական համակարգում բարձր դիրք է զբաղեցրել և մեծ ճանաչման հասել։ Նա առաջին թուրք կին օդաչուն է, ճանաչվել է աշխարհի հայտնի 20 օդաչուներից մեկը, ընդ որում` այս տիտղոսին արժանացած առաջին և միակ կինն է։ Ներկայումս նրա անունով օդանավակայան կա Թուրքիայում։ Սակայն, ամենակարևոր հանգամանքը, որ հստակ առանձնացվում է նրա կենսագրության մեջ, այն է, որ 1938թ. Դերսիմի ալևիների ապստամբության ժամանակ Սաբիհան կործանիչով ռմբակոծել է ապստամբներին, ինչը մեծապես օգնել է թուրքական բանակին վերահսկողության տակ վերցնել Դերսիմը և ճնշել խռովությունը։
Ermenihaber.am
Այս ենթաբաժնի վերջին նորությունները
Մայիսի 10-ից 14-ն անցկացված սոցհարցման արդյունքներով՝ ԱԶԿ-ն առաջ է անցել գլխավոր ընդդիմադիր ուժ համարվող «Ժողովրդահանրապետական կուսակցությունից»:
Ուսանողները բողոքել են աստվածաբան Նուրեդդին Յըլդըզի դեմ, ով նշել է, որ շարիաթում ամուսնության վերաբերյալ չկա տարիքային սահմանափակում։
Այշե Աքըն. «Պետության առաջադրանքն է աշխատել ոչ թե կանանց մարմնի, այլև տնտեսական խնդիրների լուծման վրա»:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքական մամուլը Հնդկաստանի այդ քայլը կապում է Պակիստան-Հնդկաստան լարվածության ֆոնին Թուրքիայի կողմից Պակիստանին տրվող աջակցության հետ։
Թուրքիայի նախագահը մայիսի 13-ին սոցցանցում կատարած գրառմամբ պատասխանել է Պակիստանի վարչապետ Շահբազ Շերիֆի կողմից իրեն ուղղված շնորհակալական խոսքերին:
Օրակարգում են եղել երկկողմ հարաբերությունները, ռուս-ուկրաինական պատերազմը, ինչպես նաև տարածաշրջանային և համաշխարհային նշանակության հարցեր:
Ակնկալվում է, որ օրակարգում են լինելու ռուս-ուկրաինական պատերազմի վերջին զարգացումները:
ԱՄՆ պետքարտուղարությունն է տարածել վաճառքի հաստատման մասին համապատասխան հայտարարությունը:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |