Թուրքիա. Հայ համայնքից բռնազավթած «Սանասարյան հան» շենքը հնարավոր է աճուրդի հանվի

Իրավական17:26, 04 Հուլիս 2013

Թուրքիա. Հայ համայնքից բռնազավթած «Սանասարյան հան» շենքը հնարավոր է աճուրդի հանվի

Թուրքիայում հրապարակվող հայկական Ակօս թերթի խմբագրապետ Ռոբեր Քոփթաշի ստորագրությամբ թերթում հրապարակվել է մի հոդված, որում տեղեկացվում է Ստամբուլում գտնվող Սանասարյան հան անվանումով շենքի համար հայտարարված աճուրդի մասին: Քոփթաշի հոդվածում նշվում է, որ այս պահին, երբ դեռ շարունակվում է թուրքահայությունից բռնագրավված ամենակարևոր շենքերից մեկի` Սանասարյան հանի համար Պոլսո հայոց պատրիարքարանի կողմից շենքի կառավարման իրավունքի պահանջով ներկայացված հայցի քննությունը, շենքի համար աճուրդ է հայտարարվել: Քոփթաշը մտահոգություն է հայտնում այն մասին, որ խոսակցությունները, որոնց համաձայն հունիսին կայանալիք աճուրդում շենքի կառավարման իրավունքը 50 տարով պետք է հանձնվեր պատրիարքարանին, փաստորոն ի չիք են դառնում:

Հայտարարությունը տպվել է Հիմնադրամների գլխավոր տնoրինության պաշտոնական թերթում: Այդ հայտարարության համաձայն շենքը, որի բերանորոգման համար անհրաժեշտ է 11 մլն 660 հզ թուրքական լիրա, վարձակալության է հանձնվելու 20 տարի ժամկետով:

Նշենք, որ Սանասարյան հան անվանումով այս շենքը, որը հայ համայնքին վերադարձնելու համար հայցով դատարան էր դիմել Պոլսի Հայոց պատրիարքարանը, կառուցվել է 1881 թվականին Էրզրումցի հայ վաճառական Մկրտիչ Սանասարյանի կողմից: Ստամբուլում հիմնադրված այս շենքը նպատակ է ունեցել Իզմիրում բացված նույնանուն դպրոցի համար եկամուտ ապահովել: Շենքի կառավարման իրավունքը հանձնվել է Սանասարյան հիմնադրամին, իսկ հիմնադրամի ղեկավարումը` Պոլսո Հայոց պատրիարքին: Հանրապետական Թուրքիայի կողմից շենքի բռնազավթումից հետո այն օգտագործվել է որպես Ստամբուլի ոստիկանության շենք, այնուհետև այստեղ է կենրոնացել տնտեսական դատարանը:

Ermenihaber.am