Թուրքական «Բեշիքթաշ» ֆուտբոլային ակումբը ցանկանում է ձեռք բերել Արազ Օզբիլիսի տրանսֆերը

Մարզական07:51, 02 Հուլիս 2013

Թուրքական «Բեշիքթաշ» ֆուտբոլային ակումբը ցանկանում է ձեռք բերել Արազ Օզբիլիսի տրանսֆերը

Ռուսաստանի Ֆուտբոլի «Պրիմեր Լիգայում» հադես եկող Կրասնոդար քաղաքը ներկայացնող «Կուբան» ֆուտբոլային ակումբի հարձակվողական ոճի կիսապաշտպան հայազգի Արազ Օզբիլիսի տրանսֆերի ձեռք բերման համար հետաքրքրություն է ցուցաբերել թուրքական «Բեշիքթաշ» ֆուտբոլային ակումբը:

Թուրքական «Թրթսփոր» կայքը տեղեկացնում է, որ «Բեշիքթաշի» գլխավոր մարզիչ Սլավեն Բիլիչը դեռ մոսկովյան «Լոլոկմոտիվը» գլխավորելու տարիներին ցանկացել է իր թիմում տեսնել հայ կիսապաշտպանին: Հուլիսի 1-ին «Բեշիքթաշ» ֆուտբոլային ակումբի ղեկավար խորհրդի անդամ Ահմեթ Մեթե Վարդարը և մարզական գծով տնօրեն Օնդեր Օզենը այցելել են «Կուբան» ակումբի հավաքտեղի հյուրանոց, վերջինիս ուսումնամարզական հավաք է անցկացնում Ավստրիայում: Նույն աղբյուրի տեղեկացմամբ նրանք հանդիպել են ռուս ներկայացուցչի հետ, արդյուքնում կողմերը համաձայնության են եկել, և ռուսական կողմին 5 միլիոն եվրո երաշխավորագիր, իսկ ֆուտբոլիստին 1.5 միլիոն եվրո հատկացվելու վերաբերյալ համաձայնություն է ձեռք բերվել: Սպասվում է, որ առաջիկա 2 օրերի ընթացքում ռուսական ակումբին հստակ պատասխան կտրվի:

Նշվում է, որ Արազ Օզբիլիսը ծնվել է Ստամբուլի հայկական մի ընտանիքում, հետո տեղափոխվել են Հոլլանդիա: Նա հոլլանդական հայտի ֆուտբոլային ակումբի՝ «Այաքսի» սան է: 2010 թվականի նա հանդես է եկել Այաքսի գլխավոր թիմում: Այնուհետ Հոլլանդիայի ընտրանու փոխարեն ընտրել է Հայաստանի հավաքականը: 2012 թվականից ի վեր հանդես է գալիս ռուսական «Կուբան» ակումբում: Շրջանառվող լուրերի համաձայն Արազի տրանսֆերը ցանկանում են ձեք բերել և՛ Մոսկվայի «Սպարտակը» և՛ ֆրանսիական «Մոնակո» ակումբը:

Հիշեցնենք որ, ամիսներ առաջ թուրքական մեկ այլ գրանդ ակումբ «Գալաթասարայը» ցանկություն էր հայտնել ձեռք բերել մեկ այլ հայ ֆուռբոլիստի՝ ուկրաինական Դոնեցկի «Շախտյորի» աստղ Հենրիկ Մխիթարյանին:

Ermenihaber.am