Թուրքիայում տեղի է ունեցել հայկական գերեզմանատան վերականգնված շինությունների բացման արարողությունը

Հասարակական06:46, 01 Հուլիս 2013

Թուրքիայում տեղի է ունեցել հայկական գերեզմանատան վերականգնված շինությունների բացման արարողությունը

Թուրքիայի Մալաթիա քաղաքի Քիլթեփե թաղամասում գտնվող հայկական գերեզմանատանը տեղի է ունեցել վերականգնված պահակակետի և վերջին հրաժեշտի համար նախատեսված աղոթատեղիի բացման հանդիսավոր արարողությունը:

Վերջերս ավարտին հասցված շինությունները հանձնվել է Մալաթիայի «Հայկական բարեգործական միությանը»: Վերջինիս ջանքերով կազմակերպվել էր շինությունների բացման հանդիսավոր արարողությունը: Բացման միջոցառմանը մասնակցում էին բազմաթիվ հայեր, գավառի մուֆթի Հաջը Յուսուֆ Գյուլը, գավառի ընդհանուր խորհրդարանի նախագահ Նաջի Շավաթան, Յեշիլյուրթի քաղաքապետ Մեհմեթ Քավուքը, «Հայկական բարեգործական միության» ղեկավար անձիք:

Թուրքական «ՍՆՆթուրք» կայքի տեղեկացմամբ միջոցառման համար լայն անվտագնության միջոցներ են ձեռք առնվել: Միջոցառմանը մասնակցելու եկած շատ հայեր այցելել են իրենց հարազատների շիրիմներին, մոմ են վառել և աղոթել: Այնուհետև կատարվել է վերջին հրաժեշտի համար նախատեսված աղոթատեղիի բացման արարողությունը: Բացման խոսքում ելույթով է հանդես եկել«Հայկական բարեգործական միության» նախագահ Խոսրով Քոլեթավիթօղլուն.«Այսօր այս հողերում շատ կարևոր իրադարձություններ են տեղի ուենում: Չնայած որ, մեր նախնիներից շատերը չունեցան իրենց շիրիմները, սակայն այստեղ նրանց հոգիների հանգստության համար դրախտային անկյուն կառուցելու համար հպարտ ենք»:

Հիշեցնենք որ, 2012 թվականի փետրվարի 2-ին Մալաթիայի քաղաքապետարանի աշխատակիցների կողմից սխալմամբ քանդվել էր գերեզմատան պահակակետը և վերջին հրաժեշտի համար նախատեսված աղոթատեղին: Շինությունների քանդմանն արձագանքել էին մի շարք հասարակական կազմակերպություններ, ընդդիմադիր կուսակցություններ, նույնիսկ երկրի վարչապետը:

Ermenihaber.am