Թուրքիայի և Ադրբեջանի միջև առևտրաշրջանառության ծավալները հասել են 4.2 մլրդ դոլարի

Տնտեսական07:56, 29 Հունիս 2013

Թուրքիայի և Ադրբեջանի միջև առևտրաշրջանառության ծավալները հասել են 4.2 մլրդ դոլարի

Թուրքիայի «Արտաքին տնտեսական կապերի խորհրդի» (ԱՏԿԽ- DEİK) կողմից կազմակերպվել է աշխատանքային ճաշ Թուրքիայում գործունեություն ծավալող ադրբեջանցի գործարարների հետ, որին մասնակցել է նաև էկոնոմիկայի նախարար Զաֆեր Չաղլայանը և նրա ադրբեջանցի պաշտոնակից Շահին Մուստաֆաևը:

Թուրք նախարարը ներկաներին ասել է, որ Թուրքիան երբեք ոչ առևտրային, ոչ տնտեսական և ոչ էլ քաղաքական երկխոսության մեջ չի մտնի Հայաստանի հետ, քանի դեռ իր խոսքով «Լեռնային Ղարաբաղն օկուպացված է»:

«Մենք ոչ միայն խոսքով, այլ նաև գործով ենք կարողացել միմյանց ապացուցել մեր եղբայրությունը»,- ասել է Չաղլայանը, ապա նշել, որ Թուրքիայի և Ադրբեջանի միջև առևտրաշրջանառության ծավալը 10 տարի առաջ 300 մլն դոլար էր, իսկ ահա արդեն 2012-ին` 4.2 մլրդ դոլար:

«Այսօր թուրքական ընկերություններն Ադրբեջանում 7 մլրդ դոլար ներդրում ունեն: Ադրբեջանական ընկերությունների ներդրումների ծավալն էլ Թուրքիայում ուր որ է կհատի 10 մլրդ դոլարի սահմանը»,- ընդգծել է թուրք նախարարը:

Շահին Մուստաֆաևն էլ անհրաժեշտություն համարեց երկու երկրների մջև համագործակցության հետագա զրագացումն ու շարունակությունը:

Ermenihaber.am

Այս ենթաբաժնի վերջին նորությունները

11:46, 07 մայ

Թուրքական ընկերությունը Եվրոպայում 1 մլրդ դոլարի ներդրումային ծրագիր է շահել

«Gülermak» կապալառու ընկերությունը վերջին 4 ամսում հաղթել է Սերբիայում և Լեհաստանում մի շարք շինաշխատանքների տենդեռներ:

14:36, 06 մայ

Թուրքիան հիդրոէլեկտրակայանների հզորությամբ աշխարհում 9-րդն է

Սան Ֆրանցիսկոյում գործող «Global Energy Monitor» կազմակերպությունը հրապարակել է այն երկրների ցանկը, որոնք ունեն աշխարհի հզորագույն հիդրոէլեկտրակայանները։