Թուրք արվեստագետները կոչ են անում դադարեցնել հասարակության բևեռացումը

Հասարակական09:11, 29 Հունիս 2013

Թուրք արվեստագետները կոչ են անում դադարեցնել հասարակության բևեռացումը

Մի խումբ հասարակական գործիչներ, որոնց մեծ մասը արվեստագետներ են թուրքական թերթերին «Վշտացած ենք» վերնագրով հայտարարություն է տարածել` այդ կերպ իրենց անհանգստությունն արտահայտելով Թուրքիայում Գեզի զբոսայգու բողոքի ակցիաներից հետո բավականաչափ լարված միջավայրի և հասարակության բևեռացման վերաբերյալ:

Տարբեր արվեստի բնագավառի, քաղաքական հայացքների տեր արվեստագետների հայտարարության մեջ ասվում է. «Արվեստը մի աղբյուր է, որը մեր կյանքը կենսունակ է պահում, մեր ցավերը մաքրում է, որի շնորհիվ մենք թարմ օդ ենք շնչում: Մենք որպես արվեստագետներ, որոնք միշտ այս երկրի հասարակական արժեքների, տառապանքների կողքին են եղել, հետևել են խնդիրներին և այս ջանքերի շնորհիվ պարգևատրվել են հասարակության կողմից, կամ էլ այդ պատճառով տառապանքներ են կրել, ասում ենք.
Միջավայրը կրկին զայրույթով և ատելությամբ է լցված:Արվեստը և արվեստագետին արժեզրկելու, թիրախավորելու, մեղադրելու, ճնշելու փորձեր են արվում: «Ոտքերը սկսել են ղեկավարել» ասացվածքը ասողները հասարակության մեջ միայն ատելություն են սերմանում: «Դուք և մենք» տարբերակումը հասարակությանը բևեռների է բաժանում:

Մենք`, ներքոստորագրյալներս, ցանկանում ենք, որ ատելության բառապաշարը վերացվի, արվեստագետները և արվեստի գործերը չթիրախավովեն և հասարակության նկատմամբ ճնշումները դադարեցվեն` որպեսզի հասարակության մեջ նոր անարդարություններ տեղի չունենան»:

Նամակը ստորագրել են շուրջ հարյուր թուրք արվեստագետներ, որոնց թվում են հայտնի գրողներ Յաշար Քեմալը, Օրհան Փամուքը, երաժիշտներ Ֆազիլ Սայը, Սյուլֆյու Լիվանելին, դերասաններ Թարըք Աքանը, Հալիթ Էրգենչը և այլոք: Ստորագրողների շարքում է եղել նաև «Ստամբուլի աչքը»` Արա Գյուլերը:

Ermenihaber.am