ԵԽ գլխավոր քարտուղար. «Թուրքիայում եվրաչափանիշների տեսանկյունից անընդունելի իրադարձություններ են տեղի ունեցել»

Տարածաշրջան07:03, 27 Հունիս 2013

ԵԽ գլխավոր քարտուղար. «Թուրքիայում եվրաչափանիշների տեսանկյունից անընդունելի իրադարձություններ են տեղի ունեցել»

Գեզի զբոսայգու իրադարձությունների հետ կապված արձագանքները դեռ շարունակվում են: Վերոնշյալի կապակցությամբ Եվրախորհդի (ԵԽ) գլխավոր քարտուղար Թյորբորն Յագլանդը թուրքական «Զաման» օրաթերթին տված հարզազրույցում մեկնաբանել է Թուրքիայում տիրող իրավիճակը:

Նա ուշադրություն է դարձրել վերջին 10 տարվա ընթացքում այդ երկրում կատարվող բարեփոխումների վրա: Յագլանդը որպես նախապայման նշել է, որ կառավարությունը պետք է շարունակի երկրում բարեփոխումների գործընթացը:

ԵԽ գլխավոր քարտուղար, քննադատելով թուրք ոստիկանների վարվելաձևը, մասնավորապես ասել է. «Խաղաղ բնույթի ցույցերը տեղ-տեղ վերածվել են բախումների, եվրոպական չափանիշների տեսանկյունից անընդունելի իրադարձություններ են տեղի ունեցել»:

Յագլանդը ուշադրություն է դարձրել նաև թուրքական լրատվամիջոցների պահվածքին, և ճիշտ չի համարել նկատվող գրաքննությունը:

Յագլանդը անդրադարձել է նաև Եվրամիություն-Թուրքիա բանակցությունների 22-րդ փուլի մեկնարկի աշխատանքներին, իսկ հետաձգման կապակցությամբ` ասել. «Չորս ամիս ժամկետով բանակցությունների հետաձգումը չի խանգարի, եթե նույնիսկ Թուրքիայի հետ բանակցություններում ինչ-որ երկխոսություն էլ լիներ, ապա այն ժամկետային առումով սխալ կլիներ: Ուրախ եմ, որ եվրամիությունը նման սխալ թույլ չի տվել»:

Թերթը հայտնում է նաև, որ Թյորնբորն Յագլանդը հանդիպում է ունեցել Թուրքիայի վարչապետ Ռեջեփ Թայիփ Էրդողանի հետ, և պատրաստվում է Թուրքիայում կատարած իր աշխատանքների արդյունքները զեկույցի տեսքով հանձնել ԵԽ:

Ermenihaber.am

Այս ենթաբաժնի վերջին նորությունները

11:06, 15 սեպ

Հենց ՀՀ-ի և Ադրբեջանի միջև վերջնական համաձայնագիրը ստորագրվի, մենք կկարգավորենք հարաբերությունները ՀՀ-ի հետ

Թուրքիայի արտգործնախարարն անդրադարձել է Հայաստանի ու Ադրբեջանի միջև կնքվելիք համաձայնագրի ժամկետներին։

12:53, 12 սեպ

Ֆիդան․ Կատարի դեմ հարձակումը պետք է սթափեցնի Նեթանյահուին հանդուրժողներին

Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը: