Էրդողանը Գեզիի դեպքերի մեջ մեղադրում է օտարերկրյա ուժերին ու լրատվամիջոցներին

Տարածաշրջան07:04, 26 Հունիս 2013

Էրդողանը Գեզիի դեպքերի մեջ մեղադրում է օտարերկրյա ուժերին ու լրատվամիջոցներին

Թուրքական «Սաբահ» պարբերականը տեղեկացնում է, որ վարչապետ Ռեջեփ Թայիփ Էրդողանը «Արդարություն և զարգացում» (ԱԶԿ-AKP) կուսակցության ժողովի ժամանակ անդրադարձել է Գեզի զբոսայգու դեպքերին և տնտեսության վրա դրանց ունեցած ազդեցությանը:

«Փողոցներում երիտասարդներին օգտագործելով` ցանկանում են Թուրքիայում շատ լուրջ օպերացիա իրականացնել», -հայտնել է Էրդողանը` նշելով, որ այդ կերպ ցուցարարները շատ կեղտոտ խաղերի համար են օգտագործվել: Վարչապետը ապատեղեկատվություն տարածելու, դեպքերը ուռճացված ներկայացնելու մեջ մեղադրել է լրատվամիջոցներին, մասնավորապես Եվրոպայի հետ համագործակցություն ունեցողներին: Ըստ նրա` դրա նպատակը լարված և խնդրահարույց միջավայր ստեղծելն է եղել:

«Սակայն Թուրքիայում նման միջամտություն չկարողացան անել: 10.5 տարվա ընթացքում մեր իրականացրած արմատական բարեփոխումներն արգելք հանդիսացան նմանատիպ գործողությունների համար»,- ասել է Էրդողանը:

Խոսելով Գեզի զբոսայգու դեպքերի հետևանքով Թուրքիայում ներդրումային միջավայրում տիրող իրավիճակի մասին` Էրդողանը նշել է, որ Թուրքիայում ներդրում կատարողները չեն հրաժարվում իրենց ներդրումներից: «Մեր երկրում ներդրում կատարած մարդկանց ամեն կերպ աջակցել ենք և այսուհետև ևս շարունակելու ենք աջակցել»,-ընդգծել է վարչապետը:

Ermenihaber.am

Այս ենթաբաժնի վերջին նորությունները

11:06, 15 սեպ

Հենց ՀՀ-ի և Ադրբեջանի միջև վերջնական համաձայնագիրը ստորագրվի, մենք կկարգավորենք հարաբերությունները ՀՀ-ի հետ

Թուրքիայի արտգործնախարարն անդրադարձել է Հայաստանի ու Ադրբեջանի միջև կնքվելիք համաձայնագրի ժամկետներին։

12:53, 12 սեպ

Ֆիդան․ Կատարի դեմ հարձակումը պետք է սթափեցնի Նեթանյահուին հանդուրժողներին

Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը: