Թուրքիայում է գտնվում Եվրախորհրդի գլխավոր քարտուղար Թորբյորն Յագլանդը: Այժմ նա հյուրընկալվել է կառավարության շենքում, որտեղ հանդիպում է անցկացնում Թուրքիայի վարչապետ Ռեջեփ Թայիփ Էրդողանի հետ:

Թուրքական «Բեյազգազեթե» թերթը, վկայակոչելով դիվանագիտական աղբյուրներ, նշում է, որ Անկարայում կայանալիք հանդիպումների ընթացքում ԵԽ գլխավոր քարտուղարի հետ հիմնականում քննարկվելու են Թուրքիա-Եվրախորհուրդ համագործակցությանն առնչվող հարցեր: Սպասվում է նաև, որ Թորբյորն Յագլանդին կներկայացվի մարդու իրավունքների պաշտպանության և օրենքի գերակայության հարցերում Թուրքիայում կատարված բարեփոխումների ընթացքը:

Նույն դիվանագիտական աղբյուրները նշել են նաև, որ այցը կապված չէ Գեզի զբոսայգու համար կազմակերպվող ցույցերի ու հանրահավաքների հետ: