Տարածաշրջան19:24, 25 Հունիս 2013
Աբդուլլահ Օջալանը շուտով կարող է ազատության մեջ հայտնվել
Թուրքական «Ինտերնետհաբեր» էլեկտրոնային լրատվականի հաղորդմամբ` գերմանական «Die Welt» թերթին տված հարցազրույցի ժամանակ Քրդստանի բանվորական կուսակցության (ՔԲԿ-PKK) փոխառաջնորդ Մուրադ Քարայըլանը պարզաբանումներ է տվել թուրք-քրդական հաշտության գործընթացի, Գեզի զբոսայգու ցույցերի և ՔԲԿ-ի նպատակների մասին: Հատկապես ուշագրավ է ՔԲԿ առաջնորդ Աբդուլլահ Օջալանի մասին արած նրա հայտարարությունը: Պատասխանելով գերմանական թերթի լրագրողի «Արդյո՞ք դուք նպատակ ունեք Օջալանին առաջիկայում ազատության մեջ տեսնել» հարցին` Քարայըլանն ասել է. «Դա կախված է հաշտության գործընթացի հետագա զարգացումից: Այս պահին կարևորն այն է, որ Օջալանը ակտիվ դեր խաղա գործընթացում, և կալանավայրում Օջալանի համար նպաստավոր պայմաններ ստեղծվի, որպեսզի վերջինս կարողանա ավելի հեշտությամբ կապ հաստատել շարժման հետ: Եթե հաշտության գործընթացի 3-րդ փուլը հաջողությամբ ավարտվի,ապա բոլորը`այդ թվում Աբդուլլահ Օջալանը, ազատությամ մեջ կհայտնվեն»:
Խոսելով հաշտության գործընթացի վրա Գեզի զբոսայգու գործողությունների հնարավոր ազդեցության մասին` Քարայըլանն ասել է, որ դրանք Թուրքիայի ժողովովրդավարացմանն ուղղված պահանջներ են և իմաստ չունի դրանք միավորել քրդերի կողմից հնչեցվող խաղաղության պահանջների հետ:
Իսկ լրագրողի այն հարցին, թե արդյոք ՔԲԿ ուզածը անկախ քրդական պետություն է, հետևյալ կերպ է պատասխանել. «Խաղաղությունը քրդերի և ժողովրդավարության հաղթանակը կլինի, սակայն անկախ պետության հարց չկա մեր օրակարգում: Պետությունը ուժի աղբյուր է և մարդկանց խնդիրները չի կարող լուծել: Դա փոխել ենք ուզում, «ժողովրդավարական կոնֆեդերալիզմ» ենք ուզում: Բոլոր ազգությունների և կրոնների ներկայացուցիչները դրա մեջ մտնելով` եղբայաբար կարող են իրար հետ ապրել»:
Այս ենթաբաժնի վերջին նորությունները
Անթալիայի օդանավակայանը կարող է տարեկան սպասարկել շուրջ 82 մլն ուղևորի։
Ֆիդան․«Ինչպես «Իսլամական պետություն» ահաբեկչական կազմակերպությունըդուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության մեջ, կա՛մ այլ կերպ»։
«AFAD»-ի հայտարարության համաձայն՝ հետցնցումները կանխատեսվել է, որ կմեղմանան և կավարտվեն առաջիկա մի քանի շաբաթների ընթացքում։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Իտալական «Ինտերի» գլխավոր մարզիչ Սիմոնե Ինձագին և նույն թիմի կիսապաշտպան Հաքան Չալհանօղլուն որակազրկվել են Իտալիայի ֆուտբոլի առաջնության մեկ խաղով:
Այս մասին հայտարարել է Աննա Ռադվանը Թուրքիայում ԵՄ պատվիրակության և Անկարայում Լեհաստանի դեսպանատան կողմից Վարշավայում րատվամիջոցների համար կազմակերպված շրջայցի ժամանակ։
«Լրագրողներ առանց սահմանի» (RSF) միջազգային կազմակերպությունը հրապարակել է «Մամուլի ազատության ինդեքս 2025» ամենամյա զեկույցը։
Ստուգումներն իրականացվել են մի շարք հասարակական վայրերում և ստուգվել է 420.269 անձի ինքնությունը։
Միջոցառումները վերաբերում են էներգետիկ ոլորտին։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |