Իրավական07:57, 25 Հունիս 2013
Մուրադ Նազարյան. «Ես ոչ մեկի չեմ սպանել», սկսվել է դատավարությունը
Թուրքիայում սկսվել է նախորդ տարեվերջին Ստամբուլի Սամաթիա հայաբնակ թաղամասի
տարեց բնակչուհիներից մեկին սպանելու և երեքին մարմնական վնասվածքներ հասցնելու
մեջ մեղադրվող հայազգի Մուրադ Նազարյանի դատավարությունը: Այս դատական գործով
ընթացող առաջին դատավարությանը մասնակցել են սպանված Մարիցա Քյուչուքի զավակները:
Նրանցից Զադիք Քյուչուքը դատարանին պատմել է, թե ինչպես է տան մեջ հայտնաբերել
սպանված մոր դին: Զադիքը դատարանին տեղեկացրել է, որ չի ճանաչում մեղադրյալին,
միայն գիտի, որ աշխատել է ինչ-որ պանդոկում:
Քյուչքուների ընտանիքի փաստաբան Էրեն Քեսքինը նշել է, որ մեղադրական ճառը
բավականին թերի է, և այդ հանցագործության հետևում մեկից ավելի մարդիկ են կանգնած:
Փաստաբանի համոզմամբ` այդ հանգամանքը, սակայն, կոծկելու փորձ է արվում: Քեսքինը մտահոգություն
է հայտնել, որ հարցաքննությունը բավական կողմնակալ է ընթացել: Դեպքի վայրում մեկից
ավելի կանանց վրա է հարձակում կատարվել, բայց դատախազությունը չգիտես ինչու տուժածներին
չի հրավիրել ցուցմունքներ տալու: «Ես կարծում եմ, որ այս սպանության մեջ մեկից
ավելի հանցագործ կա»,- ասել է փաստաբանը:
Դատալսմանը ներկա չէր մեղադրյալի փաստաբանը, ինչի պատճառով էլ դատարանը
որոշում է կայացրել դատապաշտպանությունը նշանակել հաջորդ դատալսմանը: Իսկ այն
հարցին, թե ունի ասելիք մեղադրյալ Նազարյանը, վերջինս պատասխանել է. «Ասելու ոչինչ
չունեմ: Ես ոչ մեկին չեմ սպանել»:
Մարիցա Քյուչուքի զավակներից մեկը` Պայծառ Միդիլին, դատավարության ավարտին
ասել է. «Այս մարդը (Մուրաթ Նազարյան) նման բան անել չէր կարող: Հարկավոր է
բացահայտել նրան դրդողներին»:
Ermenihaber.am
Այս ենթաբաժնի վերջին նորությունները
Դիարբեքիրի փաստաբանական պալատի վարչության անդամը նշել է, որ Թուրքիայում երեխաների աշխատանքը հասարակության մեջ նորմալ է ընկալվում «վարպետ-աշակերտ հարաբերության» քողի ներքո։
Թուրքիայի ՆԳՆ-ի հայտարարության մեջ նշվել է նաև, որ այդ համայնքապետերի նկատմամբ հետաքննություն է իրականացվում «պարտադրանքով կաշառք ստանալու» մեղադրանքով։
Պատճառն այն է, որ Օզգյուր Օզելը «վիրավորական խոսքեր» է հնչեցրել Ստամբուլի գլխավոր դատախազ Աքըն Գյուրլեքի հասցեին:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Այցի ընթացքում անցկացվել են սահմանային անվտանգության հետ կապված ստուգումներ։
Սոցցանցերի թուրքական տիրույթում տարածվել էր Շրայդերի հարցազրույցից հատված, որում նշել է, թե նախորդ օրը արձակված իրանական հրթիռներից որևէ մեկը չի անցել Իսրայելի տարածքը։
Էյալ Բերկովիչ․ «Քառորդ եզրափակիչում «HAMAS»-ին հաղթեցինք 11 մետրանոցներով, կիսաեզրափակիչում հաղթեցինք Իրանին, իսկ ահա եզրափակիչը կանցկացնենք Թուրքիայի հետ»:
«Leonardo» ընկերությունը հայտնի է Իսրայելի համար զենք և ռազմական տեխնոլոգիաների մատակարարմամբ։
Թերթի խմբագիր Տանձիկյանը ներկայացնում է, թե որը կարող է լինել այս «աշխատանքային այցի» օրակարգը, հատկապես, երբ տարածաշրջանը կրկին պատերազմի մեջ է Իրանի վրա Իսրայելի հարձակման պատճառով:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |