Հասարակական15:05, 24 Հունիս 2013
Թուրքիայում ցուցարարները պահանջել են ռասիստական գրառումներ կատարած պրոֆեսորի հրաժարականը
Այսօր կեսօրին Թուրքիայի Յըլդըզի
տեխնիկական համալսարանի արվեստի և նախագծման ֆակուլտետի արվեստի ամբիոնի վարիչ
պրոֆեսոր Ահմեդ Աթանի դեմ համալսարանի մոտակայքում բողոքի ակցիա է տեղի ունեցել:
Ակցիայի պատճառ են դարձել ավելի վաղ պրոֆեսոր Աթանի կողմից իր թվիթերի հաշվից
գրված հայերի, հույների և հրեաների դեմ ուղղված ռասիստական արտահայտությունները:
Ահմեդ Աթանի կողմից գրված «Գեզի այգու գործողություններին
ունեցած Ձեր ակտիվ դերակատարմանը ըմբռնումով կարող եմ մոտենալ այն դեպքում, եթե
դուք հայ եք կամ հույն: Խնդրում եմ, ուսումնասիրե՛ք ձեր տոհմը», «Այդ ավազակները եթե 1908-ին Թաքսիմի
գործողություններին մասնակցած լինեին, Աբդուլ Համիդը հրաժարական կտար» և մնանատիպ
այլ կոչերը մեծ արձագանք են գտել հատկապես ուսանողների ու դասախոսների
շրջանում:
Մոտ 1000 հոգանոց բողոքի
գործողությանը Յըլդըզի տեխնիկական համալսարանի ներկա և նախկին ուսանողներից ու
դասխոսներից բացի, մասնակցել են նաև այլ համալսարանների ուսանողներ ու դասախոսական կազմի
ներկայացուցիչներ: Ցուցարարները ձեռքերում պահելով «Ռասիստ դասախոս չենք ուզում»
գրությամբ պաստառներ, պահանջել են արվեստի
ամբիոնի վարիչի հրաժարականը:
Բողոքի ակցիային մասնակցող Միմար
Սինան համալսարանի գեղարվեստի ֆակուլտետի դասախոս դոկտոր Օսման Էրդենն էլ ասել է,
որ առաջիակայում այս առիթով նոր գործողություններ են մտածում, նշելով, սակայն, որ
այդ գործը գլուխ կգա միայն Յըլդըզի տեխնիկական համալսարանի ուսանողական և
դասախոսական կազմի մասնակցությամբ:
Ermenihaber.am
Այս ենթաբաժնի վերջին նորությունները
Մայիսի 10-ից 14-ն անցկացված սոցհարցման արդյունքներով՝ ԱԶԿ-ն առաջ է անցել գլխավոր ընդդիմադիր ուժ համարվող «Ժողովրդահանրապետական կուսակցությունից»:
Ուսանողները բողոքել են աստվածաբան Նուրեդդին Յըլդըզի դեմ, ով նշել է, որ շարիաթում ամուսնության վերաբերյալ չկա տարիքային սահմանափակում։
Այշե Աքըն. «Պետության առաջադրանքն է աշխատել ոչ թե կանանց մարմնի, այլև տնտեսական խնդիրների լուծման վրա»:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքական մամուլը Հնդկաստանի այդ քայլը կապում է Պակիստան-Հնդկաստան լարվածության ֆոնին Թուրքիայի կողմից Պակիստանին տրվող աջակցության հետ։
Թուրքիայի նախագահը մայիսի 13-ին սոցցանցում կատարած գրառմամբ պատասխանել է Պակիստանի վարչապետ Շահբազ Շերիֆի կողմից իրեն ուղղված շնորհակալական խոսքերին:
Օրակարգում են եղել երկկողմ հարաբերությունները, ռուս-ուկրաինական պատերազմը, ինչպես նաև տարածաշրջանային և համաշխարհային նշանակության հարցեր:
Ակնկալվում է, որ օրակարգում են լինելու ռուս-ուկրաինական պատերազմի վերջին զարգացումները:
ԱՄՆ պետքարտուղարությունն է տարածել վաճառքի հաստատման մասին համապատասխան հայտարարությունը:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |