Ադանայում հարյուրավոր մարդիկ դուրս են եկել բողոքի քայլերթի

Տարածաշրջան07:14, 24 Հունիս 2013

Ադանայում հարյուրավոր մարդիկ դուրս են եկել բողոքի քայլերթի

Ստամբուլի Գեզի զբոսայգու բնապահպանական շարժումից սկսված և հակակառավարական խռովությունների վերածված հանրային դժգոհությունը Թուրքիայում տեղի չի տալիս ոչ ոստիկանական ուժերի ճնշմանը, ոչ իշխանությունների հորդորներին: Բազմաթիվ բնակավայրերում շարունակվում են բողոքի տարատեսակ ակցիաները:

Ըստ «CNNTurk»-ի հաղորդման` Ադանա քաղաքում հարյուրավոր քաղաքացիներ Աթաթուրքի զբոսայգուց դուրս են եկել բողոքի քայլերթի` ծածանելով հետևյալ գրություններով ցուցապաստառներ` « Ողջույն Թաքսիմին, շարունակություն պայքարին», «Ճնշումներն ու ձերբակալությունները մեզ չեն կոտրի»: Ցուցարարներն իշխանություններից պահանջել են ազատ արձակել ցույցերի ժամանակ ձերբակալված քաղաքացիներին` վանկարկելով «Ամեն տեղ Թաքսիմ է, ամեն տեղ պայքար է»:

Հիշեցնենք, որ մայիսի 28-ց Թուրքիայում սկսված զանգվածային բողոքի ցույցերի պատճառնիշխանությունների քաղաքաշինական նոր ծրագիրն է, ըստ որի, Ստամբուլի կենտրոնականԳեզի զբոսայգու մեծ մասը պետք է ոչնչացվեր, իսկ ծառերը` հատվեին: Զբոսայգուոչնչացմանն ու ծառահատմանն ընդդիմացած ցուցարարների դեմ թուրքականոստիկանությունը բիրտ ուժ է կիրառել` օգտագործելով արտասվաբեր գազ, ջրցանմեքենաներ, պլաստիկ փամփուշտներ և հատուկջոկատայիններ: Հետևանքը եղավ այն, որբնապահպանական բնույթի ցույցերն աստիճանաբար վերածվեցին հակառավարականակցիաների և ընդգրկեցին Թուրքիայի տասնյակ քաղաքներ: Վերջին տվյալների համաձայն`կան հարյուրավոր ձերբակալվածներ, վիրավորներ և 6 զոհ:

Ermenihaber.am

Այս ենթաբաժնի վերջին նորությունները

11:06, 15 սեպ

Հենց ՀՀ-ի և Ադրբեջանի միջև վերջնական համաձայնագիրը ստորագրվի, մենք կկարգավորենք հարաբերությունները ՀՀ-ի հետ

Թուրքիայի արտգործնախարարն անդրադարձել է Հայաստանի ու Ադրբեջանի միջև կնքվելիք համաձայնագրի ժամկետներին։

12:53, 12 սեպ

Ֆիդան․ Կատարի դեմ հարձակումը պետք է սթափեցնի Նեթանյահուին հանդուրժողներին

Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը: