Ուդի նշանավոր վարպետ Երվանդ Բոսթանջըն արդեն Դիարբեքիրում է

Մշակութային14:43, 23 Հունիս 2013

Ուդի նշանավոր վարպետ Երվանդ Բոսթանջըն արդեն Դիարբեքիրում է

Թուրքական «Միլլիյեթ» լրատվականի հաղորդմամբ` Դիարբեքիրում ծնված և 1992 թվականին ԱՄՆ տեղափոխված հայազգի ուդի վարպետ Երվանդ Բոստանջըն վերջնական վերադարձել է Թուրքիա և հաստատվել Դիարբեքիրում: Ուդի հայտնի վարպետ Երվանդ Բոսթանջըն, ով բացի հայերեն երգերից հայտնի է նաև քրդերեն ու թուրքերեն կատարումներով, վերադառնալով Դիարբեքիր ասել է. «37 տարի առաջ մի ցուրտ ձմեռային օր Դիարբեքիրից դուրս եկա, իսկ ամառային մի տաք օր վերադարձա: Տա Աստված, որ այս տաքությունը շարունակվի իմ սրտում հայերեն, քրդերեն, թուրքերեն ու ասորերեն լեզուներով հնչվող երգերով: Ես վերադարձա, երանի իմ հետ գնացածներն էլ վերադառնան և բոլորս միասին ջրելով մեծացնեինք այս գեղեցիկ այգու ծաղիկները»:

Դիրբեքիրում դպրոցն ավարտելուց հետո Երվանդ Բոսթանջըն 1976 թվականին տեղափոխվել է Ստամբուլ, այնտեղ մինչև 1992 թվականը երգել է և Ուդի դասեր է տվել, այնուհետև 1992-ին տեղափոխվել ԱՄՆ: Թերթը նշում է, որ Բոսթանջըի վերադարձը հետևանք էր Թուրքիայի մշակույթի ու զբոսաշրջության նախարար Օմեր Չելիքի և Դիարբեքիրի քաղաքապետ Օսման Բայդեմիրի «Վերադարձեք ծննդավայր» կոչի:

Նշվում է, որ Երվանդ Բոսթանջըին դիմավորելու են գնացել «Ula Fılle» (Բարով եկար) գրքի հեղինակ Դիարբեքիրաբնակ գրող Շեյհմուս Դիքենը, Դեյրուլզաֆերան մետրոպոլիտի խորհրդական Յուսուֆ Բեքթաշը, ընկերներն ու երկրպագուները:

Ուշագրավ է այն հանգամանքը, որ երբ Դիարբեքիր վերադարձած Բոսթանջըն մտնում է տուն, առաջինը ինչ հանդիպում է, դա էլեկտրականության և ջրի անդորագրերն էին: Նա նախ զարմանում է այնուհետև դրանք մեկնելեվ Դիարբեքիրցի գրող Շեյհմուս Դիքենին, հումորով ասում է. «Բավական է արդեն ես փող չունեմ, թող քաղաքապետը վճարի կամ էլ դուք վճարեք»:

Ermenihaber.am