Թուրքիան գազային ռումբերի ու պլաստիկ փամփուշտների լավագույն գնորդ

Տարածաշրջան15:17, 21 Հունիս 2013

Թուրքիան գազային ռումբերի ու պլաստիկ փամփուշտների լավագույն գնորդ

Հայտնի է դարձել, որ Թուրքիայում Գեզի այգու համար ծավալված բողոքի գործողությունների ժամանակ օգտագործված գազի և պլաստիկ փամփուշտների մատակարար երկրների թվում է նաև ԱՄՆ-ը: Թուրքական «Դողան» լրատվական գործակալությունը ուսումնասիրել է ԱՄՆ-ի Փենսիլվանիա նահանգում գտնվող գազային ռումբեր և պլաստիկ փամփուշտներ արտադրող «Nonlethal Technologies» անվամբ ընկերության վաճառքի փաստաթղթերը:

Ըստ այդ փաստաթղթերի` վերոնշյալ ընկերության լավագույն գնորդների շարքում Թուրքիան բացարձակ առաջատար է: Ընկերությունը 2011թվականի հոկտեմբերից մինչև 2012-ի դեկտեմբերը ընկած ժամանակահատվածում Չինաստանին վաճառել է 380 հազար, Պանամային 80 հազար, իսկ Չիլիին 43 հազար դոլար արժողությամբ գազային ռումբեր և պլաստիկ փամփուշտներ: Թուրքիան այս ցանկի երկրներից անհամեմատ ավելի շատ է ծախսել նշյալ արտադրանքի ձեռք բերման համար` 15 ամսվա ընթացքում գնելով 8 մլն 396 հզ 992 դոլարի գազային ռումբ ու պլաստիկ փամփուշտ:

«Դողան»-ը, նշելով, որ նմանատիպ «ոչ մահացու» զենքերը ողջ աշխարհում ուժային կառույցների կողմից կիրառվում են բողոքի ցույցերն ու քայլերթերը ցրելու նպատակով, հավելում է, որ ԱՄՆ-ում այս զենքերի վաճառքի համար բավական մեծ լոբբի է գործում:

Ermenihaber.am

Այս ենթաբաժնի վերջին նորությունները

11:06, 15 սեպ

Հենց ՀՀ-ի և Ադրբեջանի միջև վերջնական համաձայնագիրը ստորագրվի, մենք կկարգավորենք հարաբերությունները ՀՀ-ի հետ

Թուրքիայի արտգործնախարարն անդրադարձել է Հայաստանի ու Ադրբեջանի միջև կնքվելիք համաձայնագրի ժամկետներին։

12:53, 12 սեպ

Ֆիդան․ Կատարի դեմ հարձակումը պետք է սթափեցնի Նեթանյահուին հանդուրժողներին

Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը: