ERMENI HABER AJANSI

Թուրքական  «Բիանեթ» էլեկտրոնային լրատվականի փոխանցմամբ`Թուրքիայի մեջլիս է ներկայացվել մի օրինագած, որը նախատեսում է այդ երկրում իսլամի համալսարանը բացել: Թուրքիայում առաջին «Իսլամի համալսրանը» նախատեսվում է հիմնել Ստամբուլում: Հայտնի է դարձել, որ նախաարարների խորհրդի կողմից հաստատված և երեկ խորհրդարան ներկայացված «Բարձրագույն կրթական հաստատությունների ընկերության վերաբերյալ օրենքում փոփոխություններ կատարելու մասին» օրենքի նախագծի համաձայն այդ համալսարանը կանվանվի Գիտական տեխնոլոգիաների և իսլամի միջազգային համալսարան: 

Հաղորդվում է, որ հասարակությունը այս համալսարանի մասին առաջին անգամ տեղեկացվել է Թուրքիայի փոխվարչապետ Բեքիր Բոզդաղի մեկ ամիս առաջ Թուրքիայում անցկացված միջազգային աշակերտական հանդիպում միջոցառման ժամանակ արած հայտարարությունից:

Մեջլիս ներկայացված օրինագիծը նախատեսում է, որ իսլամի համալսարանի շենքը նման կլինի Եգիպտոսի Էլ-Էզհեր համալսարանի շենքին, իսկ համալսարանը կունենա պետական համալսարանի կարգավիճակ: Նախատեսվում է, որ այնտեղ բացի իսլամական գիտություններից, կլինեն նաև  իրավագիտական, բժշկական, սոցիալական գիտությունների և այլ ֆակուլտետներ:

Հակառակ Թուրքիայում գործող այն ավանդույթին, որ բոլոր համալսարանները իրենք են ստեղծում իրենց հիմնադրամները, իսլամի համալսարանի հիմնադրամը կստեղծվի օրենքով և կկազմի 10 մլն լիրա: Միևնույն ժամանակ համալսարանին 49 տարի ժամկետով անվճար հիմունքներով հողամաս կհատկացվի:  Համալսարանը կունենա նաև իր նախակրթարանը, միջնակարգ դպրոցն ու լիցեյը:

Ermenihaber.am