Թուրք պատգամավորը սաղավարտով ու դիմակով է մոտեցել ամբիոնին

Տարածաշրջան17:46, 20 Հունիս 2013

Թուրք պատգամավորը սաղավարտով ու դիմակով է մոտեցել ամբիոնին

Թուրքիայի խորհրդարանում վճարումների ու արժեթղթերի համակարգի և Էլեկտրոնային փողերի վերաբերյալ օրինագծերի քննարկման ժամանակ խոսք վերցրած Ժողովրդահանրապետական կուսակցության Մալաթիայից ընտրված պատգամավոր Վելի Աղբաբան ամբիոնին է մոտեցել տոպրակով, որի մեջ եղել է մեկ սաղավարտ, երկու զույգ գազից պաշտպանող դիմակ և ակնոց: Աղբաբայի խոսքերով նա դրանք ձեռք է բերել Գեզի զբոսայգու համար ծավալված բողոքի ակցիաների ժամանակ կիրառվող արցունքաբեր գազից պաշտպանվելու համար:

Թուրքական «Իհլաս» լրատվական գործակալության հաղորդմամբ` Աղբաբան նախ գլխին է դրել սաղավարտը, այնուհետև հագել է դիմակը և պատգամավորներին ցույց տվել բողոքի գործողությունների ժամանակ կիրառված գազի սրվակները:

Ցույցերին մասնակացած պատգամավորն ասել է, որ աշխարհում ոչ մի տեղ պատգամավորը սաղավարտով ու գազից պաշտպանող դիմակով դուրս չի գալիս հրապարակ: Աղբաբան, շարունակելով միտքը, ասել է. «Դրա պատճառն այն է, որ դուք ժողովրդավարության հետ որևէ կապ չունեք: Այս գործողությունները սկսեցին ծառերը պաշտպանելու համար, իսկ դուք աշխարհի ամենախաղաղ ցույցերին քանդելով ու վառելով պատասխանեցիք` չխնայելով նույնիսկ երիտասարդների վրանները»:

Ermenihaber.am

Այս ենթաբաժնի վերջին նորությունները

11:06, 15 սեպ

Հենց ՀՀ-ի և Ադրբեջանի միջև վերջնական համաձայնագիրը ստորագրվի, մենք կկարգավորենք հարաբերությունները ՀՀ-ի հետ

Թուրքիայի արտգործնախարարն անդրադարձել է Հայաստանի ու Ադրբեջանի միջև կնքվելիք համաձայնագրի ժամկետներին։

12:53, 12 սեպ

Ֆիդան․ Կատարի դեմ հարձակումը պետք է սթափեցնի Նեթանյահուին հանդուրժողներին

Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը: