Էսքիշեհիր քաղաքում ողջ գիշեր բախումներ են եղել

Տարածաշրջան08:49, 19 Հունիս 2013

Էսքիշեհիր քաղաքում ողջ գիշեր բախումներ են եղել

Ցույցերը Թուրքիայում չեն դադարում: Չեն դադարում նաև ընդհարումները ցուցարարաների և ոստիկանական ուժերի միջև: Տարբեր քաղաքներում բողոքի ցույցերի դուրս եկած Թուրքիայի քաղաքացիները որոշ վայրերում դիմադրություն են ցույց տալիս ուժայինների գործողություններին: Այս գիշեր նման բախում է եղել Էսքիշեհիր քաղաքում:

Թուրքական լրատվամիջոցների տեղեկացմամբ` մինչև լուսադեմ փողոցային մարտեր են ընթացել ցուցարարների ու ոստիկանների միջև: Կան վիրավորներ: Նրանց թվում է նաև մի ոստիկան, ով գլխի շրջանում լուրջ վնասվածք է ստացել ցուցարարների շարքերից նետված քարից: Ավելի քան 5.000 ցուցարարներ Էսքիշեհիրում բողոքի քայլերթի էին դուրս եկել` պահանջելով կառավարության հրաժարականը և վանկարկելով «Ամեն տեղ Թաքսիմ է» կարգախոսը:

Այնուհետև նրանցից մի քանի հարյուրը փակել են «Էսփարք» առևտրի կենտրոնին հարակից փողոցը և կանգնեցրել երթևեկությունը: Ոստիկանության արագ արձագանքման ուժերը արցունքաբեր գազ և ջրցան մեքենաներ օգտագործելով փորձել են ցրել ցուցարարներին և վերականգնել երթևեկությունը: Նշվում է, որ ոստիկանները արցունքաբեր գազ են լցրել նաև լրատվամիջոցների ներկայացուցիչների վրա: Դրա հետևանքով մեկ լրագրող վնասվել և հոսպիտալացվել է:

Ermenihaber.am

Այս ենթաբաժնի վերջին նորությունները

11:06, 15 սեպ

Հենց ՀՀ-ի և Ադրբեջանի միջև վերջնական համաձայնագիրը ստորագրվի, մենք կկարգավորենք հարաբերությունները ՀՀ-ի հետ

Թուրքիայի արտգործնախարարն անդրադարձել է Հայաստանի ու Ադրբեջանի միջև կնքվելիք համաձայնագրի ժամկետներին։

12:53, 12 սեպ

Ֆիդան․ Կատարի դեմ հարձակումը պետք է սթափեցնի Նեթանյահուին հանդուրժողներին

Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը: